Gold Loans: Better where to take a gold loan 2023.

Gold Loans: Better where to take a gold loan.. Do you know which bank has the lowest interest? Full details

Gold Loans: గోల్డ్ లోన్ ఎక్కడ తీసుకుంటే బెటర్.. ఏ బ్యాంకులో తక్కువ వడ్డీ ఉందో తెలుసా? పూర్తి వివరాలివే.

Gold Loan: ప్రస్తుత రోజుల్లో బ్యాంకులు వడ్డీ రేట్లను పెంచుతున్నాయి. దీంతో పర్సనల్ లోన్లపై ఎక్కువ ఈఎంఐ కట్టాల్సి వస్తుంది. అయితే ఈ క్రమంలో మీకు డబ్బు అవసరం పడితే గోల్డ్ లోన్ తీసుకోవడం బెటర్ అని చెబుతున్నారు నిపుణులు. అయితే ఏ బ్యాంకుల్లో గోల్డ్ లోన్ వడ్డీ రేట్లు ఎలా ఉన్నాయో చూద్దాం. తక్కువ ఎందులో అంటే?

Interest Rates: పెళ్లి చేసుకోవాలన్నా? పిల్లల చదువు కోసమైనా.. ఆస్పత్రుల్లో ఏదైనా చికిత్స కోసమైనా.. లేదా ఏదైనా వ్యాపారం ప్రారంభించేందుకు అయినా డబ్బులు సరిపోక చాలా మంది లోన్లపై ఆధారపడుతుంటారు. అయితే ఇటీవలి కాలంలో బ్యాంకులు వడ్డీ రేట్లు పెంచుతున్న వేళ పర్సనల్ లోన్ వడ్డీ రేట్లు పెరుగుతున్నాయి. దీంతో ఎక్కువ ఈఎంఐ కట్టాలి. ఇలాంటప్పుడే గోల్డ్ లోన్ కాస్త ఉపయోగకరంగా ఉంటుందని చెప్పొచ్చు. ఇక్కడ గోల్డ్‌ను తాకట్టు పెట్టి రుణం తీసుకోవచ్చు అన్నమాట. మనం తిరిగి చెల్లించిన సమయంలో మన బంగారం మనం తిరిగి పొందొచ్చు.

ఇక బంగారంపై తీసుకునే రుణాల వడ్డీ రేట్లు ఒక్కో బ్యాంకులో ఒక్కో విధంగా ఉంటాయి. గోల్డ్ ఫైనాన్స్ కంపెనీల్లో కూడా వేర్వేరుగా ఉంటుంది. అయితే పర్సనల్ లోన్లతో పోలిస్తే .. గోల్డ్ లోన్ వడ్డీ రేట్లు కాస్త తక్కువగానే ఉంటాయని చెప్పొచ్చు. ఇంకా వేర్వేరు కాలపరిమితులకు వడ్డీ రేట్లు వేర్వేరుగా ఉంటాయి. యాక్సిస్ బ్యాంక్, హెచ్‌డీఎఫ్‌సీ బ్యాంక్, ఎస్‌బీఐ వంటి దిగ్గజ బ్యాంకులు సహా ముత్తూట్ ఫైనాన్షియల్, మణప్పురం ఫైనాన్స్, బజాజ్ ఫిన్‌సర్వ్ వంటి NBFC లు కూడా గోల్డ్ లోన్లు తక్కువ వడ్డీకే ఆఫర్ చేస్తున్నాయి.

బజాజ్ ఫిన్‌సర్వ్‌లో వడ్డీ రేటు 9.5 శాతం నుంచి ప్రారంభం అవుతోంది. 12 నెలల కాలపరిమితికి ఇది వర్తిస్తుందని చెప్పొచ్చు. ఇక ఇండియాగోల్డ్‌లో అయితే వడ్డీ రేటు 9.24 శాతం నుంచి స్టార్ట్ అవుతోంది. 2 నెలల నుంచి 12 నెలల కాలానికి ఇది అమల్లో ఉంటుంది. ముత్తూట్ ఫైనాన్షియల్‌లో గోల్డ్ లోన్లపై వడ్డీ రేటు 9.96 శాతం నుంచి ప్రారంభం అవుతోంది. ఇది 36 నెలల వరకు టెన్యూర్‌కు వర్తిస్తుంది.

ముత్తూట్ ఫిన్‌‌కార్ప్ వన్‌లో కూడా 9.96 శాతం వడ్డీ రేటు వర్తిస్తుండగా.. ఇది 3 నెలల నుంచి 12 నెలల కాలానికి వర్తిస్తుంది. రూపీక్‌లో 3-12 నెలల టెన్యూర్‌కు 8.88 శాతం వడ్డీ ఉంది.

కావాల్సినవి ఇవే..

గోల్డ్ లోన్ కావాలనుకునేవారికి రెండు పాస్‌పార్ట్ సైజ్ ఫొటోలు ఉండాలి. పాస్‌పోర్ట్, డ్రైవింగ్ లైసెన్స్, ఆధార్ కార్డు, రేషన్ కార్డు వంటి ఐడెంటిటీ ప్రూఫ్ డాక్యుమెంట్లు కావాలి. అడ్రస్ ప్రూఫ్ డాక్యుమెంట్లుగా ఎలక్ట్రిసిటీ బిల్, టెలిఫోన్ బిల్, ఇతర అటిలిటీ బిల్స్ కావాలి.

ఇక బ్యాంకుల్లో అయితే స్టేట్ బ్యాంక్ ఆఫ్ ఇండియాలో గోల్డ్ లోన్‌పై 8.7 శాతం వడ్డీ రేటు నుంచి ప్రారంభం అవుతోంది. హెచ్‌డీఎఫ్‌సీ బ్యాంకులో బంగారం రుణాలపై సగటున 11.62 శాతం వడ్డీ రేటు పడొచ్చు. ఐసీఐసీఐ బ్యాంకులో 10 శాతం నుంచి వడ్డీ రేటు వర్తిస్తుంది. యాక్సిస్ బ్యాంకులో గోల్డ్ లోన్ వడ్డీ రేటు 17 శాతం నుంచి స్టార్టవుతుంది. బంగారం రుణాలపై వడ్డీ రేటు.. ప్రభుత్వ బ్యాంకులతో పోలిస్తే ప్రైవేట్ బ్యాంకుల్లో ఎక్కువగా ఉంటాయని చెప్పొచ్చు.