Do you know the minimum balance in bank accounts? This is the full list.. or else it's bad!
బ్యాంక్ అకౌంట్లలో మినిమం ఎంత బ్యాలెన్స్ ఉండాలో తెలుసా? ఫుల్ లిస్ట్ ఇదే.. లేదంటే బాదుడే!
Minimum Balance Requirement: ఈ రోజుల్లో బ్యాంక్ సేవింగ్స్ అకౌంట్ అనేది చాలా మందికి ఉంటుంది. బ్యాంకులు ఇక కస్టమర్లకు ఎన్నో సేవలు అందిస్తుంటాయి. అందుకు అనుగుణంగానే మనం బ్యాంక్ ఖాతాలో కనీసం కొంత మొత్తం బ్యాలెన్స్ మెయింటెయిన్ చేయాల్సి ఉంటుంది. లేకుంటే బ్యాంకులు దీనిపై ఛార్జీలు కూడా విధిస్తుంటాయి. ఇది ఆయా బ్యాంకుల్ని బట్టి మారుతుంటాయి. మరి ఏయే బ్యాంక్ అకౌంట్‌లో మినిమం బ్యాలెన్స్ ఎంత ఉండాలి? తెలుసుకుందాం.
SBI: ఉద్యోగం చేసేవారు, చదువుకునే వారైనా.. ఇతర పనులకు వెళ్లే వారైనా ఇలా చాలా మందికి బ్యాంక్ సేవింగ్స్ అకౌంట్ ఉంటుంది. శాలరీ అకౌంట్ ఉన్న వారు కూడా వేరే సేవింగ్స్ అకౌంట్ వాడుతుంటారు. కొందరికి ఒకటి కంటే ఎక్కువ అకౌంట్లు కూడా ఉంటాయి. అయితే బ్యాంక్ అకౌంట్ ఉన్న వారికి ఎన్నో సౌలభ్యాలు ఉంటాయి. ఆర్థిక భద్రత ఉంటుంది. అకౌంట్‌లో నగదును బట్టి బ్యాంకులు వడ్డీ ఇస్తుంటాయి. లోన్లు తీసుకోవచ్చు. ఇలా ఎన్నో సదుపాయాలు ఉంటాయి. అయితే బ్యాంక్ సేవింగ్స్ అకౌంట్ ఉన్న వారు సగటున కొంత మొత్తంలో నగదును ఎప్పటికీ ఉంచుకోవాలి. నెలవారీగా సగటు లెక్కన బ్యాంకులు వీటిని లెక్కిస్తుంటాయి. ఇది బ్యాంకులను బట్టి మారుతుంటుంది. అంటే ఒక్కో బ్యాంకులో కనీస బ్యాలెన్స్ మెయింటెనెన్స్ అనేది ఒక్కో విధంగా ఉంటుంది. మినిమం బ్యాలెన్స్ అకౌంట్‌లో నిల్వ చేసుకోకుంటే బ్యాంకులు పెనాల్టీ విధిస్తుంటాయి. ఇది కూడా బ్యాంకులను బట్టి.. లొకేషన్లను బట్టి.. అకౌంట్ రకాన్ని బట్టి వేర్వేరుగా ఉంటాయి. ఆ లిస్ట్ గురించి ఇప్పుడు చూద్దాం. ఏ బ్యాంకులో మినిమం బ్యాలెన్స్ ఎంత మెయింటెయిన్ చేయాలి అంటే?
ఎస్‌బీఐ (SBI Minimum Balance)
2020లో స్టేట్ బ్యాంక్ ఆఫ్ ఇండియా (SBI) కీలక నిర్ణయం తీసుకుంది. తమ బేసిక్ సేవింగ్స్ అకౌంట్లలో యావరేజ్ మంత్లీ బ్యాలెన్స్ (AMB) కచ్చితంగా ఉండాల్సిన అవసరం లేదని స్పష్టం చేసింది. ఈ నిబంధన తీసేసింది. అంతకుముందు ఎస్‌బీఐ సేవింగ్స్ అకౌంట్‌లో మినిమం బ్యాలెన్స్ రిక్వైర్‌మెంట్.. రూరల్, సెబీ అర్బన్, మెట్రో బ్రాంచుల్లో వరుసగా రూ. 1000, రూ. 2000, రూ. 3 వేల చొప్పున ఉండేది.
హెచ్‌డీఎఫ్‌సీ బ్యాంక్ (HDFC Bank Minimum Balance)
దిగ్గజ ప్రైవేట్ బ్యాంక్ హెచ్‌డీఎఫ్‌సీలో కచ్చితంగా మినిమం బ్యాలెన్స్ మెయింటెయిన్ చేయాలి. అంతకుముందు నెలలో లెక్కల్ని పరిగణనలోకి తీసుకొని తర్వాతి నెలలో ఛార్జీలు విధిస్తుంటుంది. ఇది అర్బన్ ప్రాంతాల్లో కనీసం నెలవారీగా సగటు బ్యాలెన్స్ రూ.10 వేలు ఉండాలి. సెబీ అర్బన్ ఏరియాల్లో రూ. 5 వేలు, రూరల్ బ్రాంచుల్లో రూ.2500 చొప్పున ఉండాలి. అయితే కనీస మొత్తంలో ఈ బ్యాంకులో ఫిక్స్‌డ్ డిపాజిట్లు చేసిన కూడా పెనాల్టీ నుంచి తప్పించుకోవచ్చు.
ఐసీఐసీఐ బ్యాంక్ (ICICI Bank Minimum Balance)
హెచ్‌డీఎఫ్‌సీ బ్యాంక్ బాటలోనే మరో ప్రైవేట్ బ్యాంకింగ్ దిగ్గజం ఐసీఐసీఐ కూడా తన సేవింగ్స్ అకౌంట్లలో మినిమం బ్యాలెన్స్‌ను తప్పనిసరి చేసింది. లేకుంటే పెనాల్టీ చెల్లించాల్సిందే. ఇక్కడ మెట్రో ప్రాంతాల్లో రూ. 10 వేలు, సెమీ అర్బన్ ప్రాంతాల్లో బ్యాంక్ అకౌంట్‌లో రూ. 5 వేలు, రూరల్ ప్రాంతాల్లో కనీసం రూ. 2 వేలు మినిమం బ్యాలెన్స్‌గా ఉంది. ఇంత యావరేజ్ మంత్లీ బ్యాలెన్స్ లేకుంటే ఛార్జీలు పడతాయి.
కెనరా బ్యాంక్ (Canara Bank Minimum Balance)
ప్రభుత్వ రంగానికి చెందిన కెనరా బ్యాంకులో కూడా మంత్లీ యావరేజ్ బ్యాలెన్స్ రిక్వైర్‌మెంట్ ఉంది. అంటే ఇందులోనూ మినిమం బ్యాలెన్స్ నిబంధన పాటించాల్సిందే. ఇక్కడ అర్బన్ లేదా మెట్రో బ్రాంచుల్లో కనీసం బ్యాంక్ అకౌంట్‌లో రూ. 2000, సెబీ అర్బన్ బ్రాంచుల్లో రూ. 1000 చొప్పున, రూరల్ (గ్రామీణ) ప్రాంతాల్లో కనీసం రూ. 500 సగటు బ్యాలెన్స్ మెయింటెయిన్ చేయాల్సిందే.
పంజాబ్ నేషనల్ బ్యాంక్ (PNB Minimum Balance)
పంజాబ్ నేషనల్ బ్యాంకులో కూడా నెలవారీగా సగటు బ్యాలెన్స్ మెయింటెయిన్ చేయాల్సిందే. ఇందులో గ్రామీణ ప్రాంతాల వారు కనీసం అకౌంట్‌లో రూ.1000, సెమీ అర్బన్ ప్రాంతాల వారు రూ. 2000, అర్బన్ బ్రాంచుల్లో అయితే ఇది రూ. 5 వేలు, మెట్రో బ్రాంచ్ కస్టమర్లు అయితే రూ. 10 వేలు కచ్చితంగా మెయింటెయిన్ చేయాలి. ఇక్కడ మినిమం బ్యాలెన్స్ మెయింటెయిన్ చేయకపోతే.. రూరల్, సెమీ అర్బన్ ప్రాంతాల వారికి రూ. 400, మెట్రో, అర్బన్ ప్రాంతాల కస్టమర్లకు రూ. 600 పెనాల్టీ పడుతుంది.
జీరో బ్యాలెన్స్ సేవింగ్స్ అకౌంట్ (Zero Balance Savings Account)
రుసుములను తప్పించుకునేందుకు బ్యాంక్ అకౌంట్‌లో వేలకు వేలు కచ్చితంగా ఉంచాలనే విధానంపై వ్యతిరేకత పెరుగుతున్న నేపథ్యంలో చాలా బ్యాంకులు ఇప్పుడు జీరో బ్యాలెన్స్ సేవింగ్స్ అకౌంట్లను ఎక్కువగా అందిస్తున్నాయి. జీరో బ్యాలెన్స్ సేవింగ్స్ అకౌంట్ అంటే.. జీరో బ్యాలెన్స్ ఉన్నా అకౌంట్ ఆపరేట్ చేసుకోవచ్చు. ఇక్కడ ఎలాంటి అదనపు ఛార్జీలు పడవు. అయితే ఇక్కడ ఫ్రీ ట్రాన్సాక్షన్స్, విత్‌డ్రాయల్స్‌పై కొంత లిమిట్ ఉంటుందని గుర్తుంచుకోవాలి.
COMMENTS