These are the benefits of fenugreek: మెంతులతో కలిగే ప్రయోజనాలివే 2022@APTeachers

 మెంతులతో కలిగే ప్రయోజనాలివే

These are the benefits of fenugreek: మెంతులు ఎన్నో ఆరోగ్య సమస్యలకు ఔషధంగా పనిచేస్తాయి. శరీరంలో తగినంత వేడిని ఉత్పత్తి చేసి జీర్ణవ్వవస్థను మెరుగుపరుస్తాయి. మధుమేహం, అధిక బరువు, కొలెస్ట్రాల్​ వంటి సమస్యలకు మెంతులు ఔషధంగా పనిచేస్తాయి. 

ఈ సందర్భంగా మెంతులతో కలిగే ప్రయోజనాలేంటో ఇప్పుడు తెలుసుకుందాం.

1. పీసీఓడీ, అధిక కొలెస్ట్రాల్​, షుగర్ వ్యాధి, అధిక బరువు సమస్యలను తగ్గించడంలో మెంతులు బాగా సహాయపడతాయి.
2. రాత్రిపూట మెంతులను పెరుగులో నానబెట్టి ఉదయాన్నే తీసుకోవాలి. అలా చేస్తే శరీరంలో విషాన్ని బయటికి పంపించి ఆరోగ్యంగా ఉంచడానికి బాగా ఉపయోగపడతాయి.
3. మెంతులను పెరుగులో కలుపుకొని తీసుకుంటే మలబద్ధకం, కడుపు ఉబ్బరం, అజీర్ణం వంటి సమస్యలు తగ్గుతాయి.
4. మెంతులను నేతిలో వేయించి, కొద్దిగా సైందవ లవణాన్ని కలిపి మజ్జిగలో తీసుకున్నట్లయితే విరేచనాలు తగ్గుతాయి.
5. మెంతులు, బెల్లం కలిపి ముద్దలా చేసుకుని తినాలి. వాటికి తల్లిపాలను వృద్ధి చేసే గుణం కూడా ఉంటుంది.
6. కఫానికి, వాతానికి వ్యతిరేకంగా మెంతులు పనిచేస్తాయి.
7. జిడ్డుగా ఉండే చుండ్రు తగ్గించడానికి కూడా మెంతులు బాగా పనిచేస్తాయి.
8. నడుము నొప్పి, సయాటికా, కీళ్ల నొప్పి, కండరాల నొప్పితో బాధపడుతున్న వారికి మెంతులు ఉపశమనం కలిగిస్తాయి.
9. మెంతులతో తయారు చేసిన 'టీ' ని తాగితే శ్వాస సంబంధ వ్యాధులు తగ్గుతాయి.