Many benefits with potatoes : బంగాళదుంపలతో ఎన్నో లాభాలు 2022@APTeachers

 బంగాళదుంపలతో ఎన్నో లాభాలు

Many benefits with potatoes : బంగాళదుంపలో అనేక రకాల పోషకాలున్నాయి. వీటిని ఆహారంగా తీసుకుంటే ఎన్నో ఆరోగ్య ప్రయోజనాలు ఉన్నాయి. బంగాళదుంప రసాన్ని క్రమం తప్పకుండా తీసుకుంటే ఆరోగ్యానికి ఎంతో మంచిది. ఇందులో విటమిన్ బి, విటమిన్ సి, పొటాషియం, కాల్షియం, ఐరన్, ఫాస్పరస్, కాపర్ పుష్కలంగా ఉన్నాయి. 

ఇది రోగనిరోధక శక్తిని పెంచడంలో సహాయపడుతుంది. అంతేకాకుండా బంగాళాదుంప జ్యూస్‌ ని రోజూ తీసుకోవడం వల్ల చర్మ సంబంధిత సమస్యలకు చెక్ పెట్టవచ్చు.

బంగాళదుంప రసం చేసుకోండిలా..

నాలుగు బంగాళాదుంపలను తీసుకొని శుభ్రంగా కడగండి. వాటి తొక్క తీసి చిన్నచిన్న ముక్కలుగా కట్ చేయండి. వాటిని జ్యూసర్‌లో వేసి రసం తీయాలి. దీనిలో ఏం కలపకుండా తాగడమే మంచిదని నిపుణులు సూచిస్తున్నారు.

బంగాళదుంపతో లాభాలివే..

1. - బంగాళదుంపల్లో విటమిన్ సి పుష్కలంగా ఉంటుంది. ఇది జలుబు ఇన్ఫెక్షన్లతో పోరాడటానికి సహాయపడుతుంది. రోగనిరోధక శక్తిని బలోపేతం చేస్తుంది. రోగనిరోధక శక్తిని పెంచుకునేందుకు ఖాళీ కడుపుతో ఒక గ్లాసు బంగాళాదుంప రసం తాగాలి.
2. - బంగాళాదుంప ఆర్థరైటిస్, ఇతర కీళ్ల సంబంధిత సమస్యల నుంచి తక్షణ ఉపశమనం కల్పించడంలో సహాయపడుతుంది. నిపుణుల అభిప్రాయం ప్రకారం.. నొప్పి ఉన్న ప్రదేశంలో బంగాళాదుంప ముక్కలతో మసాజ్ చేస్తే ప్రయోజనకరంగా ఉంటుంది.
3. - బంగాళాదుంప రసం జీర్ణాశయ ఆరోగ్యానికి మేలు చేస్తుంది. బంగాళాదుంప రసాన్ని రోజూ ఉదయం తాగితే అల్సర్ల నుంచి ఉపశమనం లభిస్తుంది. జీర్ణక్రియ వ్యవస్థ కూడా మెరుగుపడుతుంది.
4. - బంగాళాదుంప రసం కాలేయం, పిత్తాశయాన్ని శుభ్రపరిచే డిటాక్స్ డ్రింక్‌గా కూడా పనిచేస్తుంది.
5. - బంగాళదుంప రసంలో ఫైబర్, విటమిన్ ఎ, బి-కాంప్లెక్స్, సి విటమిన్ లాంటి పోషకాలు పుష్కలంగా ఉన్నాయి. ఈ పోషకాలు శరీరంలోని కొలెస్ట్రాల్ స్థాయిని తగ్గిస్తాయి.
6. - బంగాళదుంపల్లో ఫైబర్ పుష్కలంగా ఉంటుంది. ఇది జీర్ణవ్యవస్థను మెరుగుపర్చి మలబద్ధకం, అజీర్తి సమస్యల నుంచి ఉపశమనం కలిగిస్తుంది.
7. - బంగాళదుంపలను క్రమం తప్పకుండా తీసుకుంటే.. క్యాన్సర్ కణాల పెరుగుదల నియంత్రణలో ఉంటుంది. వీటిలో గ్లైకోఅల్కలాయిడ్ అనే రసాయనం ఉంటుంది. ఇది యాంటీ-ట్యూమర్ లక్షణాలను కలిగి ఉండి.. క్యాన్సర్ బారిన పడే ప్రమాదాన్ని తగ్గిస్తుంది.