Savings Account: 2 new types of accounts in this bank.. Free Rs.10 lakhs.. No charges!2023

 Savings Account: 2 new types of accounts in this bank.. Free Rs.10 lakhs.. No charges!

Savings Account: ఈ బ్యాంకులో 2 కొత్త రకం అకౌంట్లు.. ఫ్రీగా రూ.10 లక్షలు.. ఏ ఛార్జీలూ ఉండవు!

Savings Account: రెండు కొత్త రకం బ్యాంకు ఖాతాలు అందుబాటులోకి తీసుకొచ్చింది ఓ ప్రముఖ బ్యాంక్. ఆ ఖాతాలు తెరిచిన వారికి ఉచితంగా రూ. 10 లక్షల వరకు బెనిఫిట్ అందిస్తోంది. గరిష్ఠ వడ్డీ రేటు, డిపాజిట్ లిమిట్ పెంపు వంటి బెనిఫిట్స్ సైతం ఉన్నాయి. ఆ వివరాలేంటో ఇప్పుడు మనం తెలుసుకుందాం.

Savings Account: దేశీయ బ్యాంకింగ్ రంగంలో చాలా రకాల బ్యాంకులు మనకు కనిపిస్తాయి. ప్రస్తుతం ఎస్‌బీఐ వంటి పెద్ద బ్యాంకులతో పోటీ పడుతున్నాయి స్మాల్ ఫైనాన్స్ బ్యాంకులు. వాటిల్లో ఒకటైన ఉజ్జీవన్ స్మాల్ ఫైనాన్స్ బ్యాంక్ తాజాగా తమ కస్టమర్లకు శుభవార్త అందించింది. రెండు కొత్త రకం సేవింగ్స్ బ్యాంక్ అకౌంట్లు అందుబాటులోకి తీసుకువచ్చింది. అవే ఒకటి మాగ్జిమా సేవింగ్స్ అకౌంట్, రెండోది బిజినెస్ మాగ్జిమా కరెంట్ అకౌంట్. ప్రీమియం కస్టమర్ల కోసం బ్యాంక్ ఈ కొత్త సర్వీసులు తీసుకువచ్చింది. మాగ్జిమా సేవింగ్స్ ఖాతాలపై వడ్డీ రేటు 7.5 శాతం వరకు అందిస్తోంది. అలాగే కస్టమర్లు కరెంట్ అకౌంట్ రూ. లక్షతో ప్రారంభించొచ్చు.

మాగ్జిమా సేవింగ్స్ అకౌంట్ అనేది అధిక ట్రాన్సాక్షన్ లిమిట్స్, ఉచిత చెక్, డీడీ ఇష్యూ వంటి బెనిఫిట్స్ అందిస్తోంది. ఇంకా కాంప్లిమెంటరీ హెల్త్ ప్రైమ్ బెనిఫిట్స్ కూడా ఉన్నాయి. ఎన్ని సార్లు అయినా క్యాష్ డిపాజిట్, ఏటీఎం ట్రాన్సాక్షన్లు నిర్వహించొచ్చు. ఉచితంగా రూ.10 లక్షల వరకు ప్రమాద బీమా లభిస్తుంది. ఏటీఎం ద్వారా రోజుకు రూ.2.5 లక్షల వరకు విత్‌ డ్రా చేసుకోవచ్చు. అయితే ఈ ఖాతాలో మినిమమ్ బ్యాలెన్స్ రూ.లక్ష లేదా ఆపైన కలిగి ఉండాలి.

బిజినెస్ మాగ్జిమా కరెంట్ అకౌంట్ ద్వారా వ్యాపారం చేసే వారు, ఎంటర్ ప్రెన్యూర్లు పలు రకాల సేవలు పొందొచ్చు. ఆన్‌లైన్ బ్యాంకింగ్, ఇన్‌స్టంట్ ఫండ్ ట్రాన్స్‌ఫర్, క్యాష్ మేనేజ్‌మెంట్ ఆప్షన్లు ఉంటాయి. అధిక ఏటీఎం విత్‌ డ్రా లిమిట్ (ఒకే రోజు రూ. 5 లక్షల వరకు విత్‌డ్రా చేసుకోవచ్చు) లభిస్తాయి. ఉచిత పీఎస్ఎస్ సర్వీసులు పొందొచ్చు. ఇంకా స్పెషలైజ్డ్ రిలేషన్‌షిప్ మేనేజర్లు కూడా ఉంటారు. దీని వల్ల కస్టమర్లకు మెరుగైన సర్వీసులు లభిస్తాయి. మాగ్జిమా సేవింగ్స్ అకౌంట్, బిజినెస్ మాగ్జిమా కరెంట్ అకౌంట్ అనేవి రూపే సెలెక్ట్ డెబిట్ కార్డు అందిస్తాయి. దీంతో వెల్‌నెస్ సర్వీసులు, ఎక్స్‌క్లూజివ్ మర్చంట్ ఆఫర్లు, ఎయిర్‌పోర్ట్ లాంజ్ యాక్సెస్, ప్రీమియం హెల్త్ చెకప్ వంటి సేవలు అందుకోవచ్చు.