Post Office: Do you have an account at the Post Office? The Center has made 3 changes.. Check it out!
Post Office: మీకు పోస్టాఫీసులో ఖాతా ఉందా? కేంద్రం 3 మార్పులు చేసింది.. చూసుకోండి మరి!
Post Office: పేద, మధ్య తరగతి ప్రజలను పొదుపు వైపు మళ్లించేందుకు కేంద్రం పోస్టాఫీసు ద్వారా పలు పథకాలను తీసుకొచ్చినంది. అందులో ఒకటి పోస్టాఫీసు సేవింగ్స్ అకౌంట్ స్కీమ్. ఈ ఖాతా తీసుకుని చిన్న మొత్తాల్లో పొదుపు చేస్తున్న వారు కేంద్రం తాజాగా తీసుకొచ్చిన ఈ 3 మార్పుల గురించి కచ్చితంగా తెలుసుకోవాలి. అవేంటంటే..
Post Office: మీరు పోస్టాఫీసులు సేవింగ్స్ అకౌంట్ ఉందా? పోస్టాఫీసు పొదుపు ఖాతాలో మీరు చిన్న మొత్తాల్లో సేవింగ్స్ చేసుకుంటున్నారా? అయితే, మీకో అలర్ట్. పోస్టాఫీసు సేవింగ్స్ అకౌంట్లలో కేంద్ర ప్రభుత్వం మూడు మార్పులు చేసింది. ఈ విషయాలను ఖాతాదారులు తప్పకుండా తెలుసుకోవాలి. ఈ మేరకు ఆర్థిక శాఖ ఆధ్వర్యంలోని ఆర్థిక వ్యవహారాల విభాగం జులై 3, 2023 రోజునే ఇ-గెజిట్ నోటిఫికేషన్ జారీ చేసింది. దీనిని పోస్టాఫీసు సేవింగ్స్ అకౌంట్ (సవరణ) స్కీమ్ 2023గా వెల్లడించింది. ఆ వివరాలేంటో ఇప్పుడు మనం తెలుసుకుందాం.
జాయింట్ అకౌంట్లో మార్పులు..
పోస్టీఫీసు సేవింగ్స్ అకౌంట్ స్కీమ్లో భాగంగా ఇప్పటి వరకు గరిష్ఠంగా ఇద్దరు మాత్రమే జాయింట్ అకౌంట్ తీసుకునేందుకు వీలుండేది. దానిని ఇప్పుడు ముగ్గురికి పెంచింది కేంద్రం. అంటే ముగ్గురు కలిసి జాయింట్ ఖాతా తెరిచేందుకువ వీలవుతుంది. పిల్లల పేరుపై ఖాతా తీసి పొదుపు చేసే తల్లిదండ్రులు ఇద్దరూ ఇకపై ఆ ఖాతాలో భాగస్వామ్యం కావచ్చు. ఇన్నాళు తల్లీ లేదా తండ్రి మాత్రమే జాయింట్ ఖాతాలో ఉండేందుకు వీలుండేంది. అలాగే ఇతరులు సైతం ముగ్గురు కలిసి ఇకపై పోస్టాఫీసులు జాయింట్ ఖాతా తీసుకోవచ్చు.
అకౌంట్ నుంచి నగదు ఉపసంహరణలో మార్పులు
పోస్టాఫీసు సేవింగ్స్ ఖాతా నుంచి నగదు ఉపసంహరించుకునే అంశంలోనూ మార్పులు చేసింది కేంద్రం. ఖాతా నుంచి రూ. 50 తగ్గకుండా నగదు తీసుకోవాల్సి ఉంటుంది. అందుకోసం ఇప్పటి వరకు ఇస్తోన్న ఫామ్ 2కి బదులుగా ఇకపై ఫారమ్ 3ని ఉపయోగించాల్సి ఉంటుంది. పోస్టాఫీసు సేవింగ్స్ అకౌంట్ స్కీమ్ 2019 ప్రకారం గతంలో ఫారమ్ 2 ద్వారా రూ.50 ఆపైన నగదు ఉపసంహరణలు పాస్బుక్లో చూపించే వారు. చెక్ లేదా డిజిటల్ మార్గాల్లో నగదు ఉపసంహరణలు మినిమమ్ బ్యాలెన్స్ లిమిట్ పరిధిలోనే ఉండాల్సి ఉంటుంది.
డిపాజిట్లపై వడ్డీ రేట్లు..
పోస్టాఫీసు సేవింగ్స్ అకౌంట్లో నెలలో పదవ రోజు నుంచి నెలాఖరు వరకు ఉన్న నగదులో తక్కువ అమౌంట్పై వడ్డీ రేటు వార్షికంగా 4 శాతం అందించేందుకు అనుమతించింది కేంద్రం. ఆ వడ్డీని గణించి ప్రతి ఏడాది చివర్లో ఖాతాలో జమ చేస్తారు. మరోవైపు.. ఒకవేళ ఖాతాదారుడు మరణించిన సందర్బంలో అకౌంట్ క్లోజ్ అయిన నెల చివర్లోనే వడ్డీ లెక్కించి జమ చేస్తారు. కొత్త పోస్టాఫీసు సేవింగ్స్ అకౌంట్ సవరణ స్కీమ్ 2023 ప్రకారం.. సబ్ ప్యారాగ్రాఫ్ 5లోని ప్యారాగ్రాఫ్ 5 ప్రకారం నెల చివర్లో ఉన్న బ్యాలెన్స్ ప్రకారం వడ్డీ లెక్కిస్తారు.
COMMENTS