Loan Tips: Taking a home loan? EMI Burden can be reduced with these tips! 2023

 Loan Tips: Taking a home loan? EMI Burden can be reduced with these tips!

Loan Tips: హోమ్ లోన్ తీసుకుంటున్నారా? ఈ టిప్స్‌తో ఈఎంఐ భారం తగ్గించుకోవచ్చు!

Loan Tips: మీరు ఇంటి కొనుగోలు కోసం బ్యాంకులో రుణం తీసుకుంటున్నారా? అయితే, లోన్ తీసుకునే ముందే తగిన జాగ్రత్తలు తీసుకోవాలి. కొన్ని టిప్స్ పాటించడం ద్వారా నెలవారీ ఈఎంఐ భారం తగ్గించుకోవచ్చు. అవేంటో ఇప్పుడు మనం తెలుసుకుందాం.

Loan Tips: సొంతింటి కల నెరవేర్చుకునేందుకు బ్యాంకుల నుంచి లోన్ తీసుకుంటారు. ప్రస్తుత రోజుల్లో ఇళ్ల ధరలు ఆకాశాన్నంటుతున్న విషయం తెలిసిందే. మీరు ఇంటిని కొనుగోలు చేయాలనుకుంటే పెద్ద మొత్తంలో డబ్బులు అవసరం ఏర్పడుతుంది. అందుకు బ్యాంకులను ఆశ్రయించక తప్పదు. ఇటీవలి కాలంలో బ్యాంకులు, ఫైనాన్షియలం సంస్థలు సైతం వేగంగానే రూణాలు మంజూరు చేస్తున్నాయి. అయితే గృహ రుణం సుదీర్ఘ కాలం కొనసాగే ప్రక్రియ. రుణ గ్రహీత ఆర్థిక భవిష్యత్తును, ఆదాయాన్ని ప్రభావితం చేస్తుంది. కాబట్టి, హోమ్ లోన్ తీసుకునేందుకు ప్రయత్నించేవారు తగు జాగ్రత్తలు తీసుకోవాలి. కొన్ని టిప్స్ పాటించడం ద్వారా ఈఎంఐ భారం తగ్గించుకోవచ్చు.

మంచి క్రెడిట్ స్కోర్: 750 పాయింట్లు లేదా అంత కంటే ఎక్కువ క్రెడిట్ స్కోర్ ఉన్న వారికి లోన్ త్వరగా మంజూరు అవుతుంది. అలాగే వడ్డీ రేటు కూడా తగ్గే అవకాశం ఉంటుంది. ఇప్పటికే ఉన్న రుణాలకు సంబంధించిన ఈఎంఐలు, క్రెడిట్ కార్డు బిల్లులు సకాలంలో చెల్లించడం ద్వారా మంచి క్రెడిట్ స్కోర్ సాధించవచ్చు.

జాయింట్ లోన్: ఉమ్మడిగా సహ దరఖాస్తుదారుడితో లోన్ తీసుకుంటే ఇద్దరి ఆదాయాలు కలవడం వల్ల రుణ అర్హత పెరుగుతుంది. అలాగే ట్యాక్స్ మినహాయింపు ప్రయోజనాలను నిబంధనలకు లోబడి ఇద్దరూ క్లెయిమ్ చేసుకోవచ్చు. దరఖాస్తుదారుల్లో మహిళ ఉంటే వడ్డీ రేట్లలో 25 నుంచి 50 బేసిస్ పాయింట్ల వరకు డిస్కోంట్ పొందవచ్చు.

వడ్డీ రేట్లు: హోమ్ లోన్ వడ్డీ రేట్లు అన్ని బ్యాంకుల్లో ఒకేలా ఉండవు. వడ్డీ రేటులో తక్కువ వ్యత్యాసం కూడా దీర్ఘకాలంలో ఎక్కువ వడ్డీ మొత్తాన్ని ఆదా చేస్తుంది. కాబట్టి తక్కువ వడ్డీ రేట్లు, ప్రాసెసింగ్ ఫీజులు వసూలు చేసే బ్యాంకుల్లో రుణం తీసుకోవడం మేలు.

డౌన్‌పేమెంట్: తక్కువ డౌన్ పేమెంట్ చెల్లించి అధిక మొత్తంలో ఇంటి రుణం తీసుకున్నట్లయితే వడ్డీ భారం కూడా అధికంగానే ఉంటుంది. ఇది ఇతర ఆర్థిక లక్ష్యాలపై ప్రభావం చూపుతుంది. కాబట్టి వీలైనంత వరకు రుణ మొత్తాన్ని తగ్గించుకుని డౌన్ పేమెంట్ పెంచుకోవడం మేలు.

కొత్త ఇల్లు కొనుగోలు: బిల్డర్లు కొన్ని బ్యాంకులతో మంచి సంబంధాలను కలిగి ఉంటారు. లాంటి ఆస్తులకు సంబంధించిన అనేక వివరాలు బ్యాంకుల దగ్గర ఉంటాయి. అటువంటి బ్యాంకుల వద్ద లోన్ ప్రాసెస్ త్వరగా పూర్తవుతుంది. వడ్డీ రేటు, ప్రాసెసింగ్ ఫీజులో తగ్గింపు కూడా కోరవచ్చు.

డాక్యుమెంట్లు: లోన్ మంజూరుకు బ్యాంకులు అనేక పత్రాలపై సంతకాలు తీసుకుంటాయి. సంతకం చేసే ముందు అన్ని పత్రాలను వివరంగా చదవండి. నియమ నిబంధనలలో ఉన్న చిన్న పాయింటు కూడా భవిష్యత్తులో మీకు ఇబ్బంది కలిగించవచ్చు.