Government jobs in India that offer the highest salary!
ఇండియాలో ఎక్కువ జీతం అందించే ప్రభుత్వ ఉద్యోగాలు!
చాలామంది కోరిక
ప్రభుత్వ ఉద్యోగం సాధించడం ప్రతి ఒక్కరి కల. దీనికోసం ఏళ్లుగా శ్రమిస్తుంటారు. సివిల్స్ ప్రిపేర్ అవూతూ ఐఏఎస్, ఐపీఎస్ వంటి అత్యున్నత ఉద్యోగాలు సాధించడం కోసం తపించేవారు కొందరైతే, బ్యాంక్స్, ఎస్ఎస్సీ, స్టేట్ బోర్డ్స్ రిలీజ్ చేసే జాబ్స్ కోసం ప్రిపేర్ అయ్యేవారు మరికొందరు. ఈ నేపథ్యంలో ఇండియాలో ఎక్కువ జీతం అందిస్తున్న ప్రభుత్వ ఉద్యోగాలేంటో చూద్దాం.
ఐఏఎస్
ఇండియన్ అడ్మినిస్ట్రేటివ్ సర్వీస్లో ఉత్తీర్ణత సాధించాలని చాలామంది కలలు కంటారు. అయితే కొందరే దీనిని సాకారం చేసుకుంటారు. వీరి ప్రారంభం జీతం రూ.56వేలు కాగా గరిష్ఠంగా నెలకు రూ.2 లక్షల 50 వేల వరకు సంపాదించే స్థాయికి చేరుకోవచ్చు.
ఐఎఫ్ఎస్
ఇండియన్ ఫారెస్ట్ సర్వీస్ ఆఫీసర్కు కూడా జీతాలు అధికంగానే ఉంటాయి. వీరి ప్రారంభ వేతనం రూ.56,100గా ఉంది. కెరీర్లో ముందుకు వెళుతూ రూ.2,25,000 వరకు సంపాందించుకోవచ్చు.
ఐపీఎస్
ఇండియన్ పోలీస్ సర్వీస్లో ప్రారంభ జీతం రూ.56,100గా ఉంటుంది. కెరీర్లో ముందుకెళుతూ ఉంటే గరిష్ఠంగా రూ.2,25,000 వేల వరకు వస్తుంది.
ఆర్బీఐ గ్రేడ్ బి ఆఫీసర్
అధికారిక నోటిఫికేషన్ ప్రకారం ఆర్బీఐ గ్రేడ్ బి ఆఫీసర్ పే స్కేల్ రేంజ్ 55200-2850 (9)-80850-EB-2850 (2)-86550-3300 (4)-99750 (16 ఏళ్లు)గా ఉంది.
డిఫెన్స్ సర్వీస్
డిఫెన్స్ సర్వీస్ల్లోని ఆఫీసర్స్ అయిన ఇండియన్ ఆర్మీ, ఇండియన్ నేవీ, ఇండియన్ ఎయిర్ఫోర్స్ అధికారుల జీతాలు వారి ర్యాంకుల ఆధారంగా ఉంటాయి. వారి జీతం నెలకు రూ.56,100 నుంచి రూ.2,50,500 వరకు ఉంటుంది.
డీఆర్డీఓ సైంటిస్ట్
డీఆర్డీఓలో సైంటిస్ట్ ప్రారంభ వేతనం రూ.50 వేలుగా ఉంటుంది. ఇక అనుభవం, స్థాయి పెరిగే కొద్దీ లక్షల్లో జీతం వస్తుంటుంది.
హైకోర్టు, సుప్రీంకోర్టు జడ్జి
హైకోర్టు, సుప్రీంకోర్టు జడ్జిల జీతం కూడా అధికంగానే ఉంటుంది. వారికి నెలకు దాదాపు రూ.లక్ష నుంచి రూ.2,50,00 వరకు వస్తుంది.
అధికారిక నోటిఫికేషన్స్
ఇంకా ఇటువంటి ప్రభుత్వ ఉద్యోగుల జీతభత్యాలు పూర్తిగా తెలుసుకునేందుకు అధికారిక వెబ్సైట్స్ చూడండి. యూపీఎస్సీ, ఆర్బీఐ, టీసీపీఎస్సీ, ఏపీపీఎస్సీ వంటి అధికారిక వెబ్సైట్స్ చూడటం మేలు.
COMMENTS