అక్కడ తల్లి పాలే చిన్నారులకు ప్రమాదకరం There Mother Milk is dangerous for babies 2022

 అక్కడ తల్లి పాలే చిన్నారులకు ప్రమాదకరంThere Mother Milk is dangerous for babies

అప్పుడే పుట్టిన చిన్నారులకు తల్లిపాలు తప్పక అందించాలని వైద్యులు చెబుతుంటారు. చిన్నారులకు మెరుగైన రోగ నిరోధక శక్తి అందించేవి తల్లిపాలే. ప్రపంచంలో కల్తీ లేనివి తల్లి పాలేనని అందరూ భావిస్తారు. అయితే మన దేశంలోని ఓ ప్రాంతంలో తల్లి పాలే చిన్నారులకు ప్రమాదకరంగా మారాయి. అక్కడ మహిళల అందించే పాలలో అత్యంత ప్రమాదకర విషపూరిత ఆనవాళ్లు ఉన్నట్లు ఓ పరిశోధన వెల్లడించింది. వాటిని తాగితే చిన్నారులకు అత్యంత ప్రమాదకరమని శాస్త్రవేత్తలు వెల్లడించారు. దీనికి సంబంధించిన వివరాలిలా ఉన్నాయి.

బీహార్ రాష్ట్రంలో గంగానది వెంబడి ఉండే ఆరు జిల్లాలలో కొందరు పరిశోధనకులు జరిపిన పరిశోధన ఆధారంగా సంచలన విషయాలు వెల్లడయ్యాయి. తల్లి పాలలో ఆర్సెనిక్ శాతం 0.2 నుంచి 0.6 మైక్రోగ్రాములు మాత్రమే ఉండాలని, అలాంటివే తాగేందుకు మంచివని ప్రపంచ ఆరోగ్య సంస్థ తెలిపింది. అయితే బీహార్‌లోని బక్సార్ సహా వైశాలి, పాట్నా, భోజ్​పుర్, సరన్, వైశాలి, బాగల్​పుర్ జిల్లాలలోని మహిళల పాలలో 495.2 మైక్రో గ్రాముల ఆర్సెనిక్ ఉన్నట్లు పరిశోధనలో తేలింది. సాధారణంగా శిశువులకు మొదటి ఆరు నెలలు తల్లి పాలే తాగిస్తారు. ప్రస్తుతం ఆ ప్రాంతంలో అలా చేయడం వల్ల చిన్నారులు కేన్సర్, కాలేయం, కిడ్నీ, గుండె, చర్మ సంబంధిత వ్యాధుల బారిన పడే ప్రమాదముందని నిపుణులు ఆందోళన వ్యక్తం చేస్తున్నారు.

సల్ఫర్​ ఇతర లోహాల కలయికతో ఏర్పడేదే ఆర్సెనిక్. మైనింగ్, గాజు తయారీ, సెమీ కండక్టర్ అనేక రసాయనాల తయారీలో ఆరెన్సిక్‌ను వినియోగిస్తున్నారు. ఆహారంలో ఇది ఉంటే మనుషుల ప్రాణాలు పోతాయి. దీని బారిన పడిన వారికి చికిత్స కూడా లేకపోవడం ఆందోళనకర విషయం. అయితే కొన్ని నివారణ చర్యలు తీసుకోవాలని పోషకాహార నిపుణులు సూచిస్తున్నారు. అపరిశుభ్రమైన నీటిని తాగకూడదని, నీటిని వేడి చేసుకుని, వడగట్టి తాగాలని పేర్కొంటున్నారు. గంగా నదిలో ఆర్సెనిక్ శాతం పెరిగిన కారణంగానే ఆ ప్రాంతంలోని మహిళల్లో ఆర్సెనిక్ ఆనవాళ్లు పెరిగాయని నిపుణులు చెబుతున్నారు. ఆ ప్రాంతాల్లో భూగర్భ జలాలు కలుషితం కావడం వల్లే ఈ సమస్య ఏర్పడిందనే అభిప్రాయాలు వ్యక్తమవుతున్నాయి. రసాయన ఎరువులు వినియోగం, పారిశ్రామిక, మున్సిపల్ వ్యర్థాలు గంగా నదిలోని నీటిలో కలవడం మూలంగా ఆర్సెనిక్ పరిమాణం పెరిగిందని తెలుస్తోంది.