TSSPDCL JLM : 1000 Junior Lineman Posts in Telangana.. New notification at the end of this month..?
TSSPDCL JLM : తెలంగాణలో 1000 జూనియర్ లైన్మెన్ పోస్టులు.. ఈనెలాఖరులో కొత్త నోటిఫికేషన్..?
ప్రధానాంశాలు:
- టీఎస్ఎస్పీడీసీఎల్ జేఎల్ఎం రిక్రూట్మెంట్
- 1000 జూనియర్ లైన్మెన్ పోస్టుల భర్తీ
- అవకతవకల కారణంగా పాత నోటిఫికేషన్ రద్దు
- త్వరలో కొత్త నోటిఫికేషన్ విడుదలకు ఏర్పాట్లు
TSSPDCL JLM Recruitment 2022 : దక్షిణ తెలంగాణ విద్యుత్ పంపిణీ సంస్థ (TSSPDCL).. 1,000 జూనియర్ లైన్మెన్ (JLM) పోస్టుల భర్తీకి త్వరలో కొత్త నోటిఫికేషన్ జారీ చేయనుంది. సబ్ ఇంజనీర్ పోస్టులకు ఎంపిౖకైన అభ్యర్థులకు నవంబర్ 14వ తేదీన (సోమవారం) నియామక పత్రాలను అందజేయడంతో ఈ పోస్టుల భర్తీ ప్రక్రియ దాదాపుగా ముగిసింది.
దీంతో జేఎల్ఎం నోటిఫికేషన్ జారీపై సంస్థ యాజమాన్యం కసరత్తు ప్రారంభించనుందని అధికారవర్గాలు తెలిపాయి. ఈ నవంబర్ నెలాఖరులోగా లేదా డిసెంబర్ తొలివారంలో నోటిఫికేషన్ ఇచ్చే అవకాశాలున్నాయని చెబుతున్నారు. వాస్తవానికి 1000 జేఎల్ఎం పోస్టుల భర్తీకి గత మే 9న సంస్థ యాజమాన్యం నోటిఫికేషన్ జారీ చేసి.. జూలై 17న రాతపరీక్ష నిర్వహించింది. అయితే రాత పరీక్షలో అవకతవకలు చోటు చేసుకోవడంతో ఆ నోటిఫికేషన్ను రద్దు చేసినట్టు గత ఆగస్టు 25న సంస్థ యాజమాన్యం ప్రకటించిన విషయం తెలిసిందే.
ఈ పోస్టుల భర్తీకి ఎలాంటి సడలింపు ఇవ్వడం లేదు:
దక్షిణ తెలంగాణ విద్యుత్ పంపిణీ సంస్థ (TSSPDCL) భర్తీ చేయనున్న జూనియర్ లైన్మెన్ (JLM) పోస్టులకు 10 ఏళ్ల గరిష్ట వయోపరి మితి సడలింపును వర్తింపజేయడం లేదు. విద్యుత్ స్తంభాలను ఎక్కి అత్యంత ప్రమాదకర పరిస్థితిలో విధులు నిర్వహించే జూనియర్ లైన్మెన్కు శారీరక దారుఢ్యం అత్యంత ఆవశ్యకమని, అందువల్ల ఈ పోస్టుల భర్తీకి ఎలాంటి సడలింపు ఇవ్వరాదని TSSPDCL నిర్ణయించింది.
COMMENTS