మీకు గ్యాస్ సబ్సిడీ రాలేదా...? అయితే ఇలా చేయండి.
Do you not get gas subsidy ...? Do this though : మీకు గ్యాస్ సిలిండర్ సబ్సిడీ డబ్బులు రావడం లేదా? అయితే మీరు కచ్చితంగా రెండు పనులు పూర్తి చేసుకోవాలి. ఒకటేమో మీ బ్యాంక్ అకౌంట్తో ఆధార్ లింక్ చేసుకోవాలి. రెండోదేమో ఎల్పీజీ ఐడీతో ఆధార్ లింక్ అవ్వాలి.
మీకు గ్యాస్ సిలిండర్ ఉందా? అయితే మీకు గ్యాస్ సిలిండర్ బుక్ చేసిన ప్రతిసారీ సబ్సిడీ డబ్బులు నేరుగా బ్యాంక్ అకౌంట్లోకి వస్తుంటాయి. అయితే గ్యాస్ సబ్సిడీ కొంత మందికి రాకపోవచ్చు. గ్యాస్ సిలిండర్ సబ్సిడీ డబ్బులు రాని వారు ఆ డబ్బులు ఎలా పొందాలో తెలుసుకుందాం.
గ్యాస్ సిలిండర్ సబ్సిడీ డబ్బులు రాని వారు ముందుగా వారి బ్యాంక్ అకౌంట్తో ఆధార్ నెంబర్ లింక్ చేసుకోవాలి. తర్వాత మీ గ్యాస్ సబ్సిడీ డబ్బులు మీ బ్యాంక్ అకౌంట్లో నేరుగా వచ్చి జమవుతాయి. అంతేకాకుండా ఇక్కడ మరో విషయాన్ని కూడా గమనించాలి.
ఎల్పీజీ సిలిండర్ ఐడీ కూడా బ్యాంక్ అకౌంట్తో లింక్ అయ్యి ఉండాలి. దీని కోసం మీరు మీ డిస్ట్రిబ్యూటర్ను సంప్రదించాలి. మీ సమస్య తెలియజేయాలి. సమస్యకు పరిష్కారం లభించకపోతే 18002333555 నెంబర్కు కాల్ చేసి ఫిర్యాదు చేస్తే సరిపోతుంది.
మీరు ఇండేన్ సిలిండర్ వాడుతూ ఉంటే.. గ్యాస్ సిలిండర్ సబ్సిడీ స్టేటస్ ఆన్లైన్తో తెలుసుకోవచ్చు. దీని కోసం మీరు ఇండేన్ గ్యాస్ వెబ్సైట్లోకి వెళ్లాలి. https://cx.indianoil.in/EPICIOCL/faces/GrievanceMainPage.jspx లింక్ సాయంతో మీరు నేరుగా వెబ్సైట్లోకి వెళ్లొచ్చు. ఇక్కడ కంప్లైంట్ బాక్స్ కనిపిస్తుంది. ఇందులో సబ్సిడీ స్టేటస్ అని రాయాలి. తర్వాత ప్రొసీడ్ ఆప్షన్పై క్లిక్ చేయాలి. ఇప్పుడు సబ్సిడీ సంబంధిత ఫిర్యాదులు అనే ఆప్షన్ ఎంచుకోవాలి. మళ్లీ ఇప్పుడు సబ్సిడీ రావడం లేదనే ఆప్షన్ ఓకే చేయాలి.
COMMENTS