ADARSHA VIDYALAYA NOTIFICATION 2025

ADARSHA VIDYALAYA NOTIFICATION 2025

ఆదర్శ పాఠశాలల్లో ఇంటర్​ ప్రవేశాలు - కార్పొరేట్​ స్థాయిలో విద్య, వసతి.

ఆదర్శ పాఠశాలల్లో ఇంటర్ ప్రథమ సంవత్సరంలో ప్రవేశాలు - ఇంటర్‌లో దరఖాస్తులకు 20 తుది గడువు- రిజర్వేషన్​, మెరిట్​ ఆధారంగా ఎంపిక.

Adarsha Vidyalaya Notification 2025 : కార్పొరేట్ స్థాయిలో ఇంగ్లీష్​ మీడియంలో బోధనకు ప్రభుత్వం ఏర్పాటు చేసిన ఆదర్శ పాఠశాలలు పేద విద్యార్థులకు బాసటగా నిలుస్తున్నాయి. 6-10వ తరగతితోపాటు ఇంటర్ విద్యను ఫ్రీగా అందిస్తుండటంతో గ్రామీణ ప్రాంత విద్యార్థులు ఉత్తమ ఫలితాలు సాధిస్తున్నారు. రాబోయే విద్యా సంవత్సరంలో వీటిలో ఇంటర్​ ప్రథమ సంవత్సర ప్రవేశాలకు దరఖాస్తులు స్వీకరిస్తున్నారు.

వారందరికి వసతి గృహం : 2013 జూన్​లో ఆదర్శ పాఠశాలలను ప్రభుత్వం ప్రారంభించింది. ఇందులో 6వ తరగతి నుంచి ఇంటర్​ వరకు ఇంగ్లీష్ మీడియంలో బోధిస్తున్నారు. పదో తరగతి పాటు ఇంటర్​లో ఉత్తమ ఫలితాలు సాధించడంలో జిల్లాల వారీగా మిగిలిన ప్రభుత్వ విద్యాలయాలతో పోలిస్తే ఆదర్శ పాఠశాలలు ముందంజలో నిలిచాయి. ఫలితంగా తల్లిదండ్రులు తమ పిల్లలను వాటిల్లో చేర్పించేందుకు ఆసక్తి కనబరుస్తున్నారు. వీటిలో 9,10 తరగతులతో పాటు ఇంటర్​ చదువుతున్న బాలికలకు వసతి సౌకర్యం కల్పిస్తున్నారు. వసతి గృహానికి 3 కిలో మీటర్ల నుంచి ఆపై దూరంగా గలవారికి ఈ వసతి సదుపాయముంది.

పూర్తి వివరాలు :

ఆదర్శ పాఠశాలల్లో ఇంటర్ ప్రథమ సంవత్సరంలో ప్రవేశాలను ఆన్​లైన్​లో దరఖాస్తు చేసుకోవాలి. ఈ నెల 20న చివరి తేదీగా ప్రకటించారు.

22న దరఖాస్తుల పరిశీలనతో పాటు ఎంపికైన వారి జాబితాను సిద్ధం చేయనున్నారు.

రిజర్వేషన్​, మెరిట్​ ఆధారంగా 26న ఎంపికైనవారి జాబితాను ప్రదర్శిస్తారు.

27 నుంచి 31వ వరకు విద్యార్హత ధ్రువపత్రాలను పరిశీలించి ప్రవేశాలు కల్పిస్తారు. జూన్ 2 నుంచి తరగతులు ప్రారంభంకానున్నాయి.

ప్రతి గ్రూపులో 40 సీట్ల చొప్పున 4 గ్రూపుల్లో 160 మందికి ప్రవేశాలు ఉంటాయి.

పదో తరగతిలో వచ్చిన మార్కుల ఆధారంగా ఎంపిక చేయనుండగా, అల్పాదాయ వర్గాలవారికి ప్రాధాన్యతనిస్తారు.