EENADU JOURNALISM SCHOOL
మంచి ఉద్యోగం కోసం చూస్తున్నారా? - మీకోసమే EJS నోటిఫికేషన్ - అప్లై చేస్కోండి
ఈనాడు జర్నలిజం స్కూల్ నోటిఫికేషన్ విడుదల - కొత్తతరం పాత్రికేయులను తీర్చిదిద్దటమే లక్ష్యంగా అడుగులు - నేటి నుంచి ఏప్రిల్ 22 వరకు దరఖాస్తుల స్వీకరణ
Eenadu Journalism School Notification : అక్షరానికి సామాజిక ప్రయోజనం కలిగించే పాత్రికేయ వృత్తిలో చేరాలనుకుంటున్నారా? సమాజాభివృద్ధి పట్ల ఆకాంక్ష, భాష మీద పట్టు మీకు ఉంటే, ఈ ప్రకటన కచ్చితంగా మీ కోసమే. కొత్త తరం పాత్రికేయుల్ని తీర్చిదిద్దటం కోసం మల్టీమీడియా, టెలివిజన్, మొబైల్‌ జర్నలిజం విభాగాల్లో పోస్ట్‌ గ్రాడ్యుయేట్‌ డిప్లొమా కోర్సుల్లో ప్రవేశానికి దరఖాస్తుల్ని ఆహ్వానిస్తున్నాం.
ఎంపిక: మొదట వివిధ అంశాల మీద రాత పరీక్షలు జరుగుతాయి. తెలుగు, ఇంగ్లిషు భాషల్లో ప్రావీణ్యాన్నీ, అనువాద సామర్థ్యాన్నీ, వర్తమాన వ్యవహారాల్లో పరిజ్ఞానాన్నీ పరీక్షించే లఘు, వ్యాసరూప ప్రశ్నలు ఉంటాయి. తెలుగు రాష్ట్రాల్లోని అన్ని ఈనాడు ప్రచురణ కేంద్రాల్లోనూ ఈ పరీక్షలు జరుగుతాయి. వీటిలో ఉత్తీర్ణులైన వారికి బృంద చర్చలు, ఇంటర్వ్యూలు ఉంటాయి. సంస్థ నియమ నిబంధనలకు లోబడి తుది ఎంపిక ఉంటుంది.
శిక్షణ, భృతి : ఈనాడు జర్నలిజం స్కూలులో ఏడాది శిక్షణ ఉంటుంది. ఈ సమయంలో మొదటి ఆరు నెలలు రూ. 14,000, తరువాతి ఆరు నెలలు రూ.15,000 చొప్పున నెలవారీ భృతి లభిస్తుంది.
ఉద్యోగంలో : స్కూల్లో కోర్సును విజయవంతంగా పూర్తి చేసిన అభ్యర్థులకు ట్రెయినీలుగా అవకాశం లభిస్తుంది. ఏడాది పాటు జరిగే ఈ శిక్షణలో రూ. 20,000 జీతం ఉంటుంది. అది పూర్తయ్యాక, శిక్షణార్థుల వ్యక్తిగత ప్రతిభ ఆధారంగా ఒక ఏడాది ప్రొబేషన్‌లో రూ.22,000 వరకూ, ఆ తరువాత కన్ఫర్మేషన్‌లో రూ.24,000 వరకూ జీతభత్యాలు ఉంటాయి.
దరఖాస్తు విధానం : దరఖాస్తు ఆన్‌లైన్‌ లో మాత్రమే చేయాలి. దరఖాస్తు రుసుము రూ.200 ఆన్‌లైన్‌లోనే చెల్లించాలి. దరఖాస్తు ధ్రువీకరణ నకలును అభ్యర్థులు తమ వద్ద తప్పనిసరిగా ఉంచుకోవాలి.
ఒప్పంద పత్రం : స్కూల్లో చేరిన అభ్యర్థులు ఏడాది తదనంతర శిక్షణతో కలిపి రామోజీ గ్రూపు సంస్థల్లో 3 సంవత్సరాలు విధిగా పనిచేయాలి. ఈ మేరకు కోర్సు ప్రారంభంలోనే ఒప్పంద పత్రాన్ని సమర్పించాలి.
అర్హతలు :
- తేట తెలుగులో రాయగల నేర్పు
- ఆంగ్లభాషపై అవగాహన
- లోకజ్ఞానం, వర్తమాన వ్యవహారాలపై పట్టు
- ప్రజా శ్రేయస్సు కోసం పాటుపడాలన్న తపన
- మీడియాలో స్థిరపడాలన్న బలమైన ఆకాంక్ష
- 30.06.2025 నాటికి 28కి మించని వయసు
- డిగ్రీ ఉత్తీర్ణత (చివరి సంవత్సరం పరీక్షలు రాసిన/ రాస్తున్న అభ్యర్థులూ అర్హులే)
ముఖ్య తేదీలు :
నోటిఫికేషన్ : 23.03.2025
ఆన్‌లైన్లో దరఖాస్తుల సమర్పణకు గడువు : 22.04.2025
ప్రవేశ పరీక్ష : 11.05.2025
కోర్సు ప్రారంభం : 30.06.2025
గమనిక : గతంలో ఎంపికై కోర్సులో చేరనివారు మళ్లీ దరఖాస్తు చేయనవసరం లేదు.
Important Links:
FOR APPLY CLICKHERE.
FOR LATEST JOB NOTIFICATIONS CLICKHERE
COMMENTS