UPI QR Code Scams

UPI QR Code Scams 

 ఆన్‌లైన్ పేమెంట్లకు యూపీఐని వాడుతున్నారా? క్యూఆర్ కోడ్ స్కామ్‌లను ఎలా నివారించాలంటే?

UPI QR Code Scams : క్యూఆర్ కోడ్ స్కామ్‌లు ఎలా పని చేస్తాయి? వాటి నుంచి మిమ్మల్ని మీరు ఎలా రక్షించుకోవాలో ఇప్పుడు తెలుసుకుందాం.

UPI QR Code Scams : యూపీఐ వినియోగదారులకు అలర్ట్.. యూపీఐ పేమెంట్లు చేసేటప్పుడు తస్మాత్ జాగ్రత్త.. యూపీఐ (యూనిఫైడ్ పేమెంట్స్ ఇంటర్‌ఫేస్) భారత్‌‌లో ఆన్‌లైన్ లావాదేవీలను విప్లవాత్మకంగా మార్చింది. సులభతరమైన డబ్బు ట్రాన్స్‌ఫర్, పేమెంట్లను అనుమతిస్తుంది. వివిధ రకాల మోసాలకు కూడా దారితీసింది.

క్యూఆర్ కోడ్ స్కామ్‌లు.. మోసపూరిత క్యూఆర్ కోడ్‌లను స్కాన్ చేసేలా స్కామర్‌లు వినియోగదారులను మోసగిస్తున్నారు. ఇది సెకన్లలో పెద్ద మొత్తంలో డబ్బును కోల్పోయేలా చేస్తుంది. క్యూఆర్ కోడ్ స్కామ్‌లు ఎలా పని చేస్తాయి? వాటి నుంచి మిమ్మల్ని మీరు ఎలా రక్షించుకోవాలో ఇప్పుడు తెలుసుకుందాం.

క్యూఆర్ కోడ్ స్కామ్‌లు ఎలా పనిచేస్తాయంటే? :

క్యూఆర్ కోడ్‌లు సాధారణంగా పేమెంట్లు చేయడానికి త్వరితంగా సులభమైన మార్గంగా చెప్పవచ్చు. అయితే, స్కామర్‌లకు టూల్‌గా మారాయి. క్యూఆర్ కోడ్ స్కామ్‌లో, బాధితుడికి ఫేక్ లేదా హానికరమైన క్యూఆర్ కోడ్ అందిస్తారు. తరచుగా లోకల్ స్టోర్లు, డెలివరీ సర్వీసులు లేదా సోషల్ మీడియా ప్లాట్‌ఫారమ్‌ల వంటి ప్రదేశాలలో ఈ క్యూఆర్ కోడ్ మోసాలకు ఎక్కువగా అవకాశం ఉంది.

ఒక స్కామర్ చట్టబద్ధమైన లావాదేవీకి లింక్ అయినట్టుగా కనిపించే క్యూఆర్ కోడ్‌ను జనరేట్ చేస్తాడు. కానీ, దానికి బదులుగా స్కామర్ అకౌంటుకు డబ్బు ట్రాన్స్‌ఫర్ చేసేలా ప్రేరేపిస్తాడు. బాధితుడు కోడ్‌ని స్కాన్ చేస్తాడు. అది చూసి వినియోగదారులు ప్రొడక్టు లేదా సర్వీసు కోసం చెల్లిస్తున్నారని భావించారు. కానీ, తెలియకుండానే స్కామర్‌కు డబ్బు ట్రాన్స్‌ఫర్ అనుమతిస్తారు.

క్యూఆర్ కోడ్‌లో ఫేక్ (APK) లింక్ కూడా ఉండవచ్చు. మీ బ్యాంక్ వివరాలు, ఇతర వ్యక్తిగత డేటాకు యాక్సెస్‌ని పొందేలా చేస్తుంది. హానికరమైన యాప్ లేదా సాఫ్ట్‌వేర్‌ను డౌన్‌లోడ్ చేయమని మిమ్మల్ని అడుగుతుంది. కొన్ని సందర్భాల్లో, మీరు క్యూఆర్ కోడ్‌లలో ఉన్న ఫేక్ యూఆర్ఎల్‌పై క్లిక్ చేసిన తర్వాత ఆటోమాటిక్‌గా మీ డివైజ్‌లో డౌన్‌లోడ్ అవుతుంది.

క్యూఆర్ కోడ్ స్కామ్‌లను ఇలా నివారించండి :

యూపీఐ పేమెంట్ చేస్తున్నప్పుడు.. క్యూఆర్ కోడ్‌లపై ఆధారపడకుండా నేరుగా రీసీవర్ వెరిఫైడ్ యూపీఐ ఐడీ లేదా మొబైల్ నంబర్‌కు డబ్బును ట్రాన్స్‌ఫర్ చేయడం ఉత్తమం. ప్రత్యేకించి మీకు సోర్స్ తెలియకపోతే.. మోసపూరిత లావాదేవీలను హైడ్ చేసేందుకు స్కామర్‌లు తరచుగా క్యూఆర్ కోడ్‌ల ఆధారంగా వినియోగదారులను నమ్మించే ప్రయత్నాలు చేస్తుంటారు.

గుర్తుతెలియని ప్రదేశాలలో లేదా అనుమానాస్పదంగా కనిపించే వ్యాపారాలలో క్యూఆర్ కోడ్‌లను స్కాన్ చేయడం పట్ల జాగ్రత్తగా ఉండండి. స్కామర్‌లు రెస్టారెంట్‌లు, కియోస్క్‌లు లేదా మార్కెట్‌ల వంటి బహిరంగ ప్రదేశాల్లో ఫేక్ క్యూఆర్ కోడ్‌లను సులభంగా ఉంచవచ్చు. పేమెంట్ కొనసాగించే ముందు క్యూఆర్ కోడ్ చట్టబద్ధమైన, విశ్వసనీయ మర్చంట్‌‌కు చెందినదని నిర్ధారించుకోవాలి.

అదనపు భద్రత విషయానికి వస్తే.. మీరు గూగుల్ పే, ఫోన్‌పే లేదా పేటీఎం వంటి మీ యూపీఐ ప్లాట్‌ఫారమ్‌లకు మాత్రమే లింక్ చేసే ప్రత్యేక బ్యాంక్ అకౌంట్ క్రియేట్ చేసుకోవాలి. ఈ అకౌంటులో కనీస మొత్తం (ఉదా. రూ. 3వేలు నుంచి రూ. 4వేలు) మాత్రమే ఉంచండి. స్కామ్ బారినపడినప్పటికీ, మీరు కోల్పోయే డబ్బు మొత్తాన్ని పరిమితం చేస్తుంది. ఈ విధానంతో మీ ప్రధాన సేవింగ్ అకౌంటుకు అదనపు రక్షణను అందిస్తుంది. మోసం జరిగినప్పుడు పెద్ద మొత్తాలను కోల్పోకుండా ఉండవచ్చు.

మీరు ఏవైనా అనుమానాస్పద పేమెంట్ రిక్వెస్టులు లేదా లింక్‌లను స్వీకరిస్తే.. యూఆర్ఎల్ లేదా పేమెంట్ వివరాలను క్రాస్-చెక్ చేయండి. మోసపూరిత లింక్‌లు తరచుగా చిన్న స్పెల్లింగ్ లోపాలు లేదా అధికారిక వెబ్‌సైట్‌లకు భిన్నంగా ఉండే అసాధారణ డొమైన్ పేర్లను కలిగి ఉంటాయి. వెరిఫై చేయడానికి కొంత సమయం వెచ్చిస్తే.. స్కామ్‌లో పడకుండా మిమ్మల్ని మీరు రక్షించవచ్చు.