Rajmargyatra: Do you know about this government app?
Rajmargyatra: ఈ ప్రభుత్వ యాప్ గురించి తెలుసా? రోడ్డు ప్రయాణంలో, టూర్లకు వెళ్తున్నప్పుడు ఎన్నో లాభాలు.. దీన్ని ఎలా ఉపయోగించాలంటే!
Rajmargyatra : దేశవ్యాప్తంగా టూరిజం రంగం శరవేగంగా విస్తరిస్తోంది. టూరిస్టులు వారి ప్రయాణ అవసరాలను తీర్చుకోవడానికి గూగుల్ మ్యాప్స్ వంటి యాప్స్ను ఉపయోగిస్తుంటారు. కానీ ఆ యాప్ అన్నీ అవసరాలను తీర్చలేదు. ఈ ఇబ్బందిని గుర్తించిన కేంద్రం ఓ యాప్ని అందుబాటులోకి తీసుకొచ్చింది. ప్రయాణికుల (Travel and Tourism) అనుభవాన్ని మెరుగుపరచడానికి నేషనల్ హైవే అథారిటీ ఆఫ్ ఇండియా (NHAI) చర్యలు చేపట్టింది. 'సిటిజన్-సెంట్రిక్ యూనిఫైడ్ మొబైల్ అప్లికేషన్'ని రూపొందించే ప్రయత్నంలో భాగంగా 'రాజ్ మార్గ్ యాత్ర' అనే కొత్త యాప్ను లాంచ్ చేసింది. ఈ అప్లికేషన్ ప్రస్తుతం హిందీ, ఇంగ్లీషు భాషల్లో అందుబాటులో ఉంది. గూగుల్ ప్లే స్టోర్, iOS యాప్ స్టోర్స్ ద్వారా దీన్ని డౌన్లోడ్ చేసుకోవచ్చు.
దేశంలోని రహదారుల గురించి సమగ్ర సమాచారాన్ని ప్రయాణికులు ఈ యాప్ ద్వారా తెలుసుకోవచ్చు. ఏవైనా ఇబ్బందులు ఉంటే ఫిర్యాదులు సైతం చేయొచ్చు. సంబంధిత యంత్రాంగం ఈ ఫిర్యాదులపై చర్యలు తీసుకుంటుంది. ముఖ్యంగా రహదారిపై ఉన్న లైవ్ ట్రాఫిక్, టోల్ ప్లాజాలు, పెట్రోల్ బంక్స్, హాస్పిటల్, హోటల్స్, ట్రాఫిక్ ఆంక్షల సమాచారం ఇందులో పొందవచ్చు. హైవే గురించి ఏవైనా ఫిర్యాదులు ఉంటే జియో-ట్యాగ్ చేసిన ఫొటోస్, వీడియోల ద్వారా డైరెక్టుగా ప్రభుత్వానికి నివేదించవచ్చు. ఫాస్టాగ్ రీఛార్జ్, నెలవారీ పాస్ లు సహా NHAI సేవలు ఒకేచోట అందుకోవచ్చు. వాహనాన్ని నడిపేటప్పడు ఓవర్ స్పీడ్ వంటి సురక్షిత డ్రైవింగ్ నోటిఫికేషన్స్ సైతం పొందొచ్చు.
ఆండ్రాయిడ్ యూజర్లు రాజ్మార్గ్ యాత్ర యాప్ను ఇలా డౌన్లోడ్ చేసుకోవచ్చు:
- మొదట మీరు మీ స్మార్ట్ఫోన్లో Google Play Store యాప్ని ఓపెన్ చేయాలి.
- ఆ తర్వాత సెర్చ్ బాక్స్లో "రాజ్మార్గ్ యాత్ర"ని ఎంటర్ చేయాలి. ఆపై రాజ్మార్గ్ యాత్ర యాప్ డౌన్లోడ్ ట్యాబ్ కనిపిస్తుంది.
- దానిపై క్లిక్ చేసి యాప్ను డౌన్లోడ్ చేసుకుని ఇన్స్టాలేషన్ ప్రక్రియ పూర్తి చేసుకోవాలి.
- ఇలా మీరు దీనిని ఇన్స్టాల్ చేసుకున్న తర్వాత సింపుల్గా రహదారులకు సంబంధించిన పూర్తి సమాచారాన్ని పొందవచ్చు.
ఐఓఎస్ యూజర్లు రాజ్మార్గ్ యాత్ర యాప్ని ఇలా డౌన్లోడ్ చేసుకోవాలి:
- మీరు మొదట మీ iOS సపోర్టింగ్ ఫోన్లో యాప్ స్టోర్ని ఓపెన్ చేయాలి.
- ఆ తర్వాత సెర్చ్ బార్లో 'రాజ్మార్గ్ యాత్ర యాప్' అని ఎంటర్ చేయాలి.
- అప్పుడు మీరు GET ట్యాబ్ని క్లిక్ చేస్తే.. రాజ్మార్గ్ యాత్ర యాప్ మీ స్మార్ట్ఫోన్లో డౌన్లోడ్ అవుతుంది.
- ఇలా మీరు ఈ యాప్ను ఇన్స్టాల్ చేసుకున్న తర్వాత ఈజీగా రహదారులకు సంబంధించిన పూర్తి సమాచారాన్ని పొందవచ్చు.
COMMENTS