Buying cooking utensils?-If you don't have this mark, action is inevitable!

  Buying cooking utensils?-If you don't have this mark, action is inevitable!

వంట పాత్రలు కొనుగోలు చేస్తున్నారా?- ఈ మార్క్ లేకుంటే చర్యలు తప్పవు!

Things to keep in Mind While Buying Kitchen Utensils: సాధారణంగా మనం వంట పాత్రలు కొనుగోలు చేసేటప్పుడు మన్నిక కోసం దాని థిక్​నెస్​ చూస్తాం. దీంతోపాటు అది ఆకర్షణీయమైన ఆకృతిలో ఉందో లేదో చూసుకుంటాం. ఫైనల్​గా ధరకు తగిన క్వాలిటీ ఉందో లేదో చూస్తాం. ఎవరైనా ఇవే చూసి వంట పాత్రలు కొనుగోలు చేస్తారు. అయితే ఇకపై వంటకు ఉపయోగించే అల్యూమినియం, స్టెయిన్​లెస్​ స్టీల్​ పాత్రలకు ISI (ఇండియన్‌ స్టాండర్డ్స్‌ ఇన్‌స్టిట్యూషన్‌) మార్క్ తప్పనిసరి అని కేంద్ర ప్రభుత్వం తెలిపింది. ఈ భద్రతా ప్రమాణాలు పాటించని వారిపై చట్ట ప్రకారం చర్యలుంటాయని హెచ్చరించింది. ఈ నేపథ్యంలో కేంద్రం వంట పాత్రలకు ఎందుకు ISI మార్క్ ఉండాలంటోంది? దీనివల్ల లాభాలేంటి? వంటి వివరాలను తెలుసుకుందాం రండి.

వంట పాత్రలకు ISI ఎందుకు?:

• వంట పాత్రలపై ISI మార్క్ ఉండాలని DPIIT (డిపార్ట్‌మెంట్‌ ఫర్‌ ప్రమోషన్‌ ఆఫ్‌ ఇండస్ట్రీ అండ్‌ ఇంటర్నల్‌ ట్రేడ్‌) ఈ ఏడాది మార్చిలో ఆదేశాలను జారీ చేసింది.
• నాసిరకం ఉత్పత్తుల నుంచి వినియోగదారులను రక్షించడంలో ఇది సహాయపడుతుంది.
• ISI ముద్ర లేని పాత్రల ఉత్పత్తి, దిగుమతి, విక్రయం, పంపిణీ, నిల్వ చేయొద్దని BSI (బ్యూరో ఆఫ్ ఇండియన్ స్టాండర్స్) ఆదేశించింది.
• ఈ ఆదేశాలను పాటించని వారిపై చట్ట ప్రకారం చర్యలుంటాయని తెలిపింది.
• కస్టమర్ల సేఫ్టీ కోసం, ప్రొడక్ట్స్ క్వాలిటీని పెంచేందుకు ఈ చర్యలు తీసుకున్నట్లు పేర్కొంది.
• జాతీయ స్థాయిలో నాణ్యతా ప్రమాణాలను పాటించేందుకు ఇది తోడ్పడుతుందని BSI భావిస్తోంది.

పాత్రల క్వాలిటీ, సేఫ్టీని నిర్థారించేందుకు కోడ్స్:

1. వంట పాత్రల నాణ్యత, భద్రతను నిర్ధారించేందుకు BIS ఇండియన్ స్టాండర్డ్ ఆర్గనైజేషన్ కోడ్స్​ను రూపొందించింది.
2. స్టెయిన్​లెస్ స్టీల్ పాత్రల క్వాలిటీ కోసం 'ISI 14756:2022' కోడ్, అల్యూమినియం పాత్రల క్వాలిటీ కోసం 'ISI 1660:2024' కోడ్​ను తీసుకుని వచ్చింది.
3. ఈ క్వాలిటీ కోడ్స్​ పాత్రల డిజైన్, ఎక్విప్మెంట్ ఆధారంగా ఉంటాయి.
4. అల్యూమినియం పాత్రలు అయితే తప్పనిసరిగా స్టెయిన్​ టెస్ట్, మెడికల్ షాక్ టెస్ట్​, హీట్ షాక్ టెస్ట్, డ్రై హీట్ టెస్ట్, కోటింగ్ థిక్​నెస్​ వంటి టెస్ట్​లు చేయించుకోవాలి.