No matter how clean the water bottles are, don't they still smell bad? - Smell go away with these tips!
వాటర్ బాటిల్స్ ఎంత క్లీన్ చేసినా దుర్వాసన పోవడం లేదా? - ఈ టిప్స్తో స్మెల్ పరార్!
Easy Tips To Clean Water Bottles : ఒకప్పుడు కాలేజీకో, ఆఫీసుకో లేదంటే ఏవైనా ప్రయాణాలు చేసేటప్పుడో వాటర్ బాటిల్స్ వెంట తీసుకెళ్లేవారు. కానీ, నేటి రోజుల్లో మెజార్టీ పీపుల్ ఎక్కడికి వెళ్లినా వెంట వాటర్ బాటిల్ పట్టుకెళ్తున్నారు. అంతేకాదు.. ఇంట్లో ఉన్నా కూడా బాటిల్తోనే వాటర్ తాగుతున్నారు. అయితే, వీటిని యూజ్ చేయడం వరకు ఓకే కానీ.. క్లీనింగ్ విషయంలోనే మాత్రం నిర్లక్ష్యం వహిస్తుంటారు. ఒకవేళ క్లీన్ చేసినా పైపైన కడిగి చేతులు దులుపుకుంటారు. అయితే ఇలా క్లీన్ చేయడం వల్ల వాటిలో బ్యాక్టీరియా పేరుకుపోయి దుర్వాసన వస్తుందని.. అంతేకాకుండా వివిధ అనారోగ్య సమస్యలకు దారి తీసే ఛాన్స్ ఉంటుందంటున్నారు నిపుణులు. అందుకే.. ఈ టిప్స్ పాటిస్తూ వాటర్ బాటిల్స్(Water Bottles) క్లీన్ చేసుకుంటే బ్యాడ్స్మెల్ పోయి కొత్తవాటిలా ఉంటాయంటున్నారు.
డిష్ వాషింగ్ లిక్విడ్ : ముందుగా వాటర్ బాటిల్లో కొద్దిగా గోరువెచ్చని వాటర్ పోయాలి. ఆ తర్వాత అందులో కొన్ని చుక్కల డిష్ వాషింగ్ లిక్విడ్ సోప్ వేయాలి. అనంతరం క్యాప్ పెట్టి బాగా షేక్ చేసి 2 నుంచి 4 నిమిషాలు పక్కన ఉంచాలి. ఆపై బ్రష్ సహాయంతో బాటిల్ లోపల బాగా స్క్రబ్ చేసి కడుక్కోవాలి. అయితే, అందులోని రసాయనాలు ప్రభావం చూపకుండా చివర్లో కొద్దిగా ఉప్పు వేసి కడుక్కోవాలనే విషయం మర్చిపోవద్దంటున్నారు నిపుణులు. అలాగే బాటిల్ క్యాప్నూ శుభ్రంగా కడగాలి. తర్వాత వాటిని కాసేపు ఆరబెట్టుకొని ఆపై యూజ్ చేయడం బెటర్ అంటున్నారు.
అయితే, రాగి వాటర్ బాటిల్స్ను మాత్రం ఉప్పుతో కడగకూడదంటున్నారు నిపుణులు. ఎందుకంటే.. ఇలా చేస్తే అది రసాయన చర్య జరిపి కాపర్‌ క్లోరైడ్‌ని ఏర్పరుస్తుందని చెబుతున్నారు. ఇది ఆరోగ్యానికి హానికరం. కాబట్టి.. అందుకు బదులుగా వేడినీళ్లతో శుభ్రం చేయడం మంచిదంటున్నారు.
వాటర్ బాటిల్ ఉపయోగిస్తున్నారా? ఈ జాగ్రత్తలు పాటించకపోతే ఇబ్బందులే!
నిమ్మ, వేప మిశ్రమం : ఈ మిశ్రమం వాటర్ బాటిళ్లలో బ్యాడ్ స్మెల్ పోగొట్టి శుభ్రపర్చడంలో చాలా బాగా పనిచేస్తుందంటున్నారు నిపుణులు. ఇందుకోసం ముందుగా బాటిల్లో కాస్త వేప పొడి, నిమ్మరసం వేసి నిండా నీళ్లు పోసి అలానే ఓ రెండు మూడు గంటలు ఉంచాలి. ఆ తర్వాత ఫ్రెష్ వాటర్తో శుభ్రం చేసుకుంటే సరిపోతుందంటున్నారు నిపుణులు.
నిమ్మరసం : ఇది వాటర్ బాటిల్స్లో చెడు వాసనకు కారణమయ్యే బ్యాక్టీరియాను చంపడంలో చాలా బాగా పనిచేస్తుందంటున్నారు. ఇందుకోసం ముందుగా బాటిల్లో కొద్దిగా గోరువెచ్చని వాటర్ పోసుకొని అందులో కాస్త నిమ్మరసం వేసుకొని బాగా షేక్ చేయాలి. ఆపై మంచినీళ్లతో రెండు మూడుసార్లు కడిగితే చాలు. జిడ్డుతో పాటు దుర్వాసనా ఈజీగా పోతుందంటున్నారు నిపుణులు. లేదంటే.. నిమ్మరసం ఫ్లేస్లో వెనిగర్‌ వేసినా మంచి ఫలితం ఉంటుందంటున్నారు.
2017లో "అప్లైడ్ మైక్రోబయాలజీ" అనే జర్నల్లో ప్రచురితమైన ఒక అధ్యయనం ప్రకారం.. నిమ్మరసం వాటర్ బాటిల్స్లో దుర్వాసనకు కారణమయ్యే శిలీంధ్రాల పెరుగుదలను నిరోధించడంలో సమర్థవంతంగా పనిచేస్తుందని కనుగొన్నారు. ఈ పరిశోధనలో చైనాలోని జియాంగ్నాన్ యూనివర్సిటీకి చెందిన డాక్టర్‌ X. Wang పాల్గొన్నారు. నిమ్మరసంలో యాంటీ బ్యాక్టీరియల్ లక్షణాలు వాటర్ బాటిల్స్లో దుర్వాసనను పోగొట్టడంలో చాలా బాగా సహాయపడతాయని ఆయన పేర్కొన్నారు.
వంటసోడా : వాటర్ బాటిల్స్లో చెడు వాసన, జిడ్డు, క్రిములను తొలగించడంలో వంటసోడా చాలా ఎఫెక్టివ్గా పనిచేస్తుందంటున్నారు నిపుణులు. ఇందుకోసం బాటిల్లో ఓ చెంచా వంటసోడా వేసి నీళ్లు పోసి ఓ గంట ఉంచి ఆపై శుభ్రం చేసుకోవాలి. ఇలా రోజు విడిచి రోజు చేస్తే మంచి రిజల్ట్ ఉంటుందని చెబుతున్నారు.
NOTE : ఇక్కడ మీకు అందించిన ఆరోగ్య సమాచారం, సూచనలు అన్నీ మీ అవగాహన కోసం మాత్రమే. కొన్ని అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ, వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
COMMENTS