TSSPDCL JLM : 553 Junior Lineman posts in Telangana.. High Court has given key orders

 TSSPDCL JLM : 553 Junior Lineman posts in Telangana.. High Court has given key orders

TSSPDCL JLM : తెలంగాణలో 553 జూనియర్‌ లైన్‌మెన్‌ పోస్టులు.. కీలక ఆదేశాలిచ్చిన హైకోర్టు.

TSSPDCL 553 JLM Posts : తెలంగాణ విద్యుత్‌ శాఖలో 553 జూనియర్‌ లైన్‌మెన్‌ (JLM) పోస్టులకు సంబంధించి పరీక్షలకు హాజరైన వారిలో మెరిట్‌ ఆధారంగా భర్తీ చేయాలని తెలంగాణ స్టేట్‌ సదరన్‌ పవర్‌ డిస్ట్రిబ్యూషన్‌ కంపెనీ లిమిటెడ్‌ (TSSPDCL)ను హైకోర్టు ఆదేశించింది. జూనియర్‌ లైన్‌మెన్‌ నియామకాలకు రాష్ట్రపతి ఉత్తర్వులు, స్థానికత వర్తించదని వ్యాఖ్యానించింది. స్తంభాలు ఎక్కే పరీక్ష నిర్వహించి అర్హులతో పోస్టులను భర్తీ చేయాలని.. వారు లేనిపక్షంలో పరీక్ష నిర్వహించి ఖాళీలను భర్తీ చేయాలని హైకోర్టు స్పష్టం చేసింది.

అయితే.. 2019లో టీఎస్‌ఎస్‌పీడీసీఎల్‌ (TSSPDCL) జూనియర్‌ లైన్‌మెన్‌ పోస్టుల భర్తీకి నోటిఫికేషన్‌ విడుదల చేసింది. 2019లో TSSPDCL 2,500 జేఎల్‌ఎం పోస్టుల భర్తీకి నోటిఫికేషన్‌ ఇచ్చింది. దీనికి రాష్ట్రపతి ఉత్తర్వులను అమలు చేయడాన్ని సవాల్‌ చేస్తూ ఉమ్మడి మహబూబ్‌నగర్‌ జిల్లాకు చెందిన తిరుమలేశ్‌ సహా మరికొందరు హైకోర్టులో 2020లో పిటిషన్లు దాఖలు చేశారు.

దీనిపై విచారణ చేపట్టిన న్యాయమూర్తి జస్టిస్‌ మాధవీదేవి ఫిబ్రవరి 29న తీర్పు వెల్లడించారు. వెలువరించారు. పిటిషనర్ల తరఫున వాదనలు విన్న న్యాయమూర్తి.. రాష్ట్రపతి ఉత్తర్వులను జూనియర్‌ లైన్‌మెన్‌ పోస్టులకు వర్తింపజేయలేరని.. మిగిలిన ఖాళీలను మెరిట్‌ ప్రకారం భర్తీ చేయాలని ఆదేశించారు. కొత్తగా ఏర్పాటైన జిల్లాలను యూనిట్‌గా తీసుకొని 95 శాతం స్థానిక రిజర్వేషన్లు అమలు చేయడాన్ని తప్పుబడుతూ.. కొత్త జిల్లాల అభ్యర్థులు ఉమ్మడి జిల్లాకు నాన్‌ లోకల్‌ కారని తేల్చి చెప్పారు. ఇప్పటికే 1,900కుపైగా పోస్టులను అధికారులు భర్తీ చేయడంతో మిగిలిన ఖాళీలను మెరిట్‌ ప్రకారం భర్తీ చేయాలని ఆదేశించారు.