Smoking

 Smoking: How to quit smoking? Try these tips!

Smoking: ధూమపానం మానేయడం ఎలా? ఈ చిట్కాలు ట్రై చేయండి!

స్మోకింగ్‌ వల్ల మీ ఆరోగ్యంతో పాటు పాటు చుట్టుపక్కల వారి హెల్త్‌ కూడా చెడిపోతుంది. సిగరేట్‌ స్మోకింగ్‌ వ్యసనాన్ని వదులుకోవడం చాలా కష్టం. అయితే అసాధ్యమేమీ కాదు. ధూమపాన అలవాటుని మానేయడం కోసం డాక్టర్ల చిట్కాలు తెలుసుకునేందుకు ఆర్టికల్‌లోకి వెళ్లండి.

Smoking: ధూమపానం అలవాటు కేవలం మీ ఆరోగ్యాన్ని మాత్రమే కాదు మీ జీవితాన్నే పాడు చేస్తుంది. ఇది మీ కుటుంబంతో పాటు చుట్టుపక్కల ప్రజల ఆరోగ్యంపై కూడా చెడు ప్రభావాన్ని చూపుతుంది. ఎందుకంటే వారు కూడా మీతో పాటే పొగ పీల్చుతారు. సిగరేట్ ఆరోగ్యానికి హానికరమని తెలిసినా దాన్ని చాలామంది వదులుకోలేకపోతారు. ఆరోగ్యం చెడిపోతున్నా సిగరేట్‌ని వదిలిపెట్టలేరు. ఎందుకంటే స్మోకింగ్‌ ఒక వ్యసనం.. అందుకే విడిచిపెట్టడం అంత సులభం కాదనేది నిజం. అయితే యుఎస్ సెంటర్స్ ఫర్ డిసీజ్ కంట్రోల్ అండ్ ప్రివెన్షన్ ప్రకారం.. ప్రజలు ధూమపానం మానేయడానికి సరైన ప్రయత్నాలు చేస్తే, ఈ చెడు అలవాటును వదిలివేయవచ్చు. మీరు కూడా ధూమపాన వ్యసనం మానేయాలనుకుంటే ఈ చిట్కాలు తెలుసుకోండి. 

మానసికంగా సిద్ధం అవ్వండి:

ధూమపాన వ్యసనం మానేయడానికి,మొదట మిమ్మల్ని మీరు మానసికంగా సిద్ధం చేసుకోండి. ఇందుకోసం కొంత సమయం, శ్రమ అవసరం. మీ ఉద్దేశాలను స్పష్టం చేయండి.

వైద్యుడిని కలవండి:

ధూమపాన వ్యసనం మానేయడానికి మీరు మీ కుటుంబం, వైద్యుడి సహాయం కూడా తీసుకోవచ్చు. దీని గురించి వైద్యుడిని సంప్రదించండి. ధూమపానం మానేయడానికి మీ ప్రణాళిక గురించి డాక్టర్‌కు చెప్పండి. అప్పుడు డాక్టర్‌ మరింత ఈజీగా ఈ వ్యసనాన్ని ఎలా విడిచిపెట్టవచ్చో చెబుతారు. ధూమపానం మానేయడం ఒక రోజు పని కాదు. నెలల తరబడి కష్టపడాల్సి ఉంటుంది.

నికోటిన్ రీప్లేస్మెంట్ థెరపీ:

అకస్మాత్తుగా ధూమపానం మానేయడం కొన్ని ఆరోగ్య సమస్యలను కలిగిస్తుంది. ముఖ్యంగా తలనొప్పితో మీరు అశాంతిగా అనిపించవచ్చు. నికోటిన్ శరీరానికి చేరకపోవడం వల్ల కోరికలు కలుగుతాయి. అటువంటి పరిస్థితిలో.. మీకు వెంటనే సిగరెట్ తాగాలని అనిపిస్తుంది. ఈ సందర్భంలో నికోటిన్ రీప్లేస్మెంట్ థెరపీ తీసుకోవడం మీకు సహాయపడుతుంది.

మాత్రలు తీసుకోండి:

ధూమపానం మానేయడానికి మందులు బాగా ఉపయోగపడతాయి. ఇది నికోటిన్ కోరికలకు ఉపశమనం కలిగిస్తుంది. ఈ కారణంగా ధూమపానం అలవాటు క్రమంగా పోతుంది. డిప్రెషన్ సమస్య నుంచి ఉపశమనం పొందడంతో పాటు ఏకాగ్రత సమస్య ఉండదు. ధూమపానం మానేయడానికి మీకు కొంత సమయం పట్టవచ్చు కానీ సహనం పాటించడం ద్వారా ధూమపానం వ్యసనం నుంచి బయటపడచ్చు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. APTEACHERS9.COM దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.