Holi

 Holi: To protect hair from Holi colors.. do this.

Holi: హొలీ రంగుల నుంచి జుట్టును కాపాడుకోవడానికి.. ఇలా చేయండి.

హోలీ సమయంలో రంగుల నుంచి జుట్టు, మొహం, చర్మాన్ని రక్షించుకోవడానికి ఈ సింపుల్ టిప్స్ పాటించండి. ఇవి రంగుల్లోని కెమికల్స్ వల్ల కలిగే హానికర ప్రభావాల నుంచి కాపాడతాయి. అవేంటో తెలుసుకోవడానికి హెడ్డింగ్ పై క్లిక్ చేయండి.

Holi: హొలీ అనగానే రంగుల పండుగ. ఒకరికి ఒకరు రంగులు చల్లుకుంటూ సంతోషంగా జరుపుకుంటారు ఈ పండగను. రంగులు పూసుకోవడమే వరకు బాగానే ఉంటుంది. కానీ దాని తర్వాత జుట్టు, చర్మం, మొహం అంతా రంగులతో పాడవుతుంది. అందుకే హొలీ ఆడేముందు ఈ సింపుల్ చిట్కాలు పాటిస్తే రంగుల నుంచి మీ మొహం, చర్మం, జుట్టును కాపాడుకోవచ్చు. 

జుట్టుకు నూనె రాయండి:

హొలీ ఆడడానికి వెళ్లే ముందు జుట్టుకు కొబ్బరి నూనె లేదా ఏదైనా ఆయుర్వేద నూనెను అప్లై చేసుకోవాలి. ఇలా చేయడం ద్వారా జుట్టును రంగుల నుంచి రక్షిస్తుంది.

హెయిర్ మాస్క్ అప్లై చేయండి:

జుట్టు పై రంగులు పడిన తర్వాత షాంపూ చేయడానికి ముందు 20-30 నిమిషాల పాటు హైర్ మాస్క్ ను ధరించండి. పెరుగు, ఉసిరి, షీకాకాయి తో చేసిన హెయిర్ మాస్క్ ధరిస్తే జుట్టుకు ఉన్న రంగును తొలగించడంలో అద్భుతంగా పని చేస్తాయి.

జుట్టును కట్టుకోవడం:

హొలీ ఆడేముందు జుట్టును దగ్గరకు కట్టుకోవాలి. ఇలా చేస్తే రంగు జుట్టంతా స్ప్రెడ్ అవ్వకుండా ఉంటుంది. ఇది రసాయనాల వల్ల జుట్టు రాలే ప్రమాదాన్ని కూడా తగ్గిస్తుంది.

గోరు వెచ్చని నీళ్లతో క్లీన్ చేయండి:

రంగులను తొలగించడానికి వేడి నీటిని వాడడం ద్వారా జుట్టు దెబ్బతింటుంది. ఆయుర్వేదం ప్రకారం కూడా వేడి నీళ్లు జుట్టుకు మంచిది కాదు. అందుకే గోరు వెచ్చ నీళ్లు లేదా చల్ల నీటిని మాత్రమే వాడాలి.

కండీషనర్ అప్లై చేయాలి:

సాధారణంగా జుట్టుకు రంగులు పట్టినప్పుడు వాటిని తొలగించడానికి షాంపూ ఎక్కువగా చేస్తాము. ఇలా చేయడం ద్వారా జుట్టు పొడిబారుతుంది. జుట్టును హైడ్రేటెడ్, మాయిశ్చరైజింగ్ గా ఉంచడానికి మంచి పోషకాలున్న హెయిర్ కండీషనర్ అప్లై చేయాలి.

తేలికపాటి షాంపూఅప్లై చేయండి:

జుట్టు పై రంగులను వదిలించడానికి తేలికపాటి షాంపూలను ఉపయోగించాలి. అధిక ఘాడత ఉన్న షాంపూలు జుట్టును మరింత దెబ్బతీస్తాయి. సున్నితమైన రసాయనాలు లేని షాంపూలు జుట్టును సంరక్షిస్తాయి.