Rs.1.5 lakh scholarship through PM Yashaswi Scheme..
విద్యార్థులకు భారీ శుభవార్త..పీఎం యశస్వీ స్కీమ్ ద్వారా రూ.1.5 లక్షల స్కాలర్‌షిప్..ఎలా అప్లై చేయాలో చూడండి.
బలహీన వర్గాల యువత కోసం భారత ప్రభుత్వం ఓ స్కాలర్‌షిప్ స్కీమ్ ను తీసుకొచ్చింది.
దేశంలో లక్షలాది మంది విద్యార్థులు ఉన్నత విద్యను అభ్యసించాలనుకుంటున్నారు, కానీ ఆర్థిక ఇబ్బందుల కారణంగా వారు తమ చదువును మధ్యలోనే వదిలివేయవలసి వస్తుంది. ఈ నేపథ్యంలో బలహీన వర్గాల యువత కోసం భారత ప్రభుత్వం ఓ స్కాలర్‌షిప్ స్కీమ్ ను తీసుకొచ్చింది. దాని పేరే పీఎం యంగ్ అచీవర్స్ స్కాలర్‌షిప్ అవార్డ్ స్కీమ్ ఫర్ వైబ్రెంట్ ఇండియా(YASASVI). సింపుల్ గా “పీఎం యశస్వీ స్కాలర్ షిప్ స్కీమ్(PM Yasasvi scholarship scheme)” అని అంటారు.
ఈ స్కాలర్‌షిప్ స్కీమ్ ద్వారా 9,10వ తరగతి విద్యార్థులకు ప్రతి ఏటా రూ.75 వేలు ఆర్థిక సహాయం.. 11, 12వ తరగతి(ఇంటర్మీడియట్) విద్యార్థులకు ఏటా రూ.1.5 లక్షల ఆర్థిక సహాయం లభిస్తుంది. మెరిట్ ఆధారంగా 2023 సంవత్సరంలో ఈ స్కాలర్‌షిప్ కోసం విద్యార్థులను ఎంపిక చేశారు. అయితే, దీనికి ముందు పరీక్షలో ఉత్తీర్ణత సాధించాలి. కాబట్టి, మరింత సమాచారం కోసం NTA వెబ్‌సైట్ https://yet.nta.ac.in/ని సందర్శించండి.
ఎవరు దరఖాస్తు చేసుకోవచ్చు?
పీఎం యశస్వీ స్కాలర్‌షిప్‌ను వెనుకబడిన తరగతి (OBC), ఆర్థికంగా వెనుకబడిన తరగతి (EBC), సంచార, పాక్షిక-సంచార జాతులు,డీనోటిఫైడ్ తెగలకు చెందిన 9వ తరగతి నుండి 12వ తరగతి వరకు ప్రతిభావంతులైన విద్యార్థులు పొందవచ్చు. ఇందుకు కుటుంబ వార్షికాదాయం రూ.2.5 లక్షల లోపు ఉండాలి. స్కాలర్‌షిప్ నేరుగా బ్యాంకు ఖాతాకు బదిలీ చేయబడుతుంది.
ఎలా దరఖాస్తు చేసుకోవాలి
-పీఎం యశస్వీ స్కాలర్‌షిప్ పథకం కోసం, మీరు Social justice and empowerment వెబ్‌సైట్‌కి వెళ్లాలి.
-ఇప్పుడు మీరు హోమ్ పేజీకి వెళ్లి PM యంగ్ అచీవర్స్ స్కాలర్‌షిప్ అవార్డ్ స్కీమ్ లింక్‌పై క్లిక్ చేయాలి.
-ఇప్పుడు మిమ్మల్ని మీరు ఇక్కడ నమోదు చేసుకోండి. SMS ద్వారా ఫోన్‌కు రిజిస్ట్రేషన్ నంబర్,పాస్‌వర్డ్ వస్తుంది.
-ఇప్పుడు పూర్తి దరఖాస్తు ఫారమ్‌ను పూరించండి, అవసరమైన అన్ని పత్రాలను స్కాన్ చేసి అప్‌లోడ్ చేయండి.
-మీ దరఖాస్తు ఫారమ్ ఆమోదించబడుతుంది.
COMMENTS