UPI Payments: UPI Payments with voice access..India towards revolutionary changes
UPI Payments: ఇక వాయిస్ యాక్సెస్తోనూ UPI చెల్లింపులు.. విప్లవాత్మక మార్పుల దిశగా భారత్.
NPCI Launches New Products: డిజిటల్ పేమెంట్స్ కోసం ఎప్పటికప్పుడు కొత్త కొత్త ఫీచర్లు అందుబాటులోకి వస్తున్నాయి. ఇప్పటికే యూపీఐ బేస్డ్ ఏటీఎం సేవల్ని ప్రవేశపెట్టగా.. ఇప్పుడు నేషనల్ పేమెంట్స్ కార్పొరేషన్ ఆఫ్ ఇండియా.. (NPCI) కొత్త పేమెంట్ విధానాల్ని ఆవిష్కరించింది. వాయిస్ యాక్సెస్ అలాగే మిస్డ్ కాల్ ద్వారా కూడా ఈ సేవల్ని పొందొచ్చు.
NPCI: డిజిటల్ పేమెంట్స్ల్లో భారత్ విప్లవాత్మక మార్పుల దిశగా అడుగులు వేస్తోంది. ఇప్పటి వరకు QR కోడ్ను స్కాన్తో పిన్ ఎంటర్ చేసి ట్రాన్సాక్షన్స్ జరిపేవాళ్లం. తర్వాత వచ్చిన యూపీఐ లైట్తో పిన్ అవసరం లేకుండానే పేమెంట్స్ చేస్తున్నాం. ఇకపై ఈ డిజిటల్ ట్రాన్సాక్షన్స్ మరింత సులభతరం చేసేందుకు కొత్త పేమెంట్ విధానాల్ని ఎన్పీసీఐ (NPCI) అభివృద్ధి చేసింది. గ్లోబల్ ఫిన్టెక్ ఫెస్ట్- 2023లో రిజర్వ్ బ్యాంక్ ఆఫ్ ఇండియా గవర్నర్ శక్తికాంత దాస్ వీటిని ఆవిష్కరించారు. యూపీఐ, యూపీఐ లైట్ X, ట్యాప్ అండ్ పే సహా సంభాషణ ద్వారా పేమెంట్స్ కోసం హలో! యూపీఐ, బిల్పే కనెక్ట్.. పేరుతో 5 పేమెంట్ విధానాలను తీసుకొచ్చినట్లు తెలిపారు దాస్. వీటితో డిజిటల్ పేమెంట్స్ మరింత సులభతరం కానున్నాయని చెప్పుకొచ్చారు. వీటి గురించి ఇప్పుడు మనం తెలుసుకుందాం.
UPI LITE X : ఇప్పుడు యూపీఐ పేమెంట్స్ చేయాలంటే కచ్చితంగా ఇంటర్నెట్ అవసరమే కదా. ఇకపై ఇంటర్నెట్ సౌకర్యం లేని చోట కూడా ఆఫ్లైన్లో లావాదేవీలు జరిపేందుకు ఈ UPI LITE X పేమెంట్ విధానం ఉపయోగపడుతుంది.
ట్యాప్ అండ్ పే: దీంతో పాటు ప్రస్తుతం అందుబాటులో ఉన్న స్కాన్ అండ్ పే కు అదనంగా.. ట్యాప్ అండ్ పే తీసుకొస్తున్నారు. దీని సాయంతో ఇక ఎక్కడైనా పేమెంట్స్ చేయాలంటే NFC ఎనేబుల్ చేస్కొని.. QR కోడ్ వద్ద ట్యాప్ చేసి చెల్లింపులు పూర్తి చేయొచ్చు.
హలో యూపీఐ.. Hello upi విధానంతో యాప్స్, టెలికాం కాల్స్, ఇంటర్నెట్ ఆఫ్ థింగ్స్ ద్వారా వాయిస్ ఆధారిత యూపీఐ చెల్లింపులు చేసే వెసులుబాటు తెచ్చింది. ప్రస్తుతం ఇది ఇంగ్లీష్, హిందీ భాషల్లో మాత్రమే అందుబాటులో ఉండగా.. త్వరలో ఇతర భాషల్లో కూడా ప్రారంభం అవుతాయి.
మిస్డ్ కాల్తో: బిల్ పే కనెక్ట్ పేరిట దేశమంతటా బిల్ చెల్లింపుల కోసం భారత్.. బిల్పే జాతీయీకరించిన నంబర్ను పరిచయం చేసింది. దీనితో మెసేజ్ రూపంలో కేవలం హాయ్ అని మెసేజ్ చేసి పేమెంట్స్ జరపొచ్చు. ఇంకా బిల్లులు కూడా పొందొచ్చు. స్మార్ట్ఫోన్, మొబైల్ డేటా యాక్సెస్ లేని పరిస్థితుల్లో కూడా కేవలం మిస్డ్ కాల్ ద్వారా బిల్ పేమెంట్స్ చేయొచ్చు.
యూపీఐ క్రెడిట్ లైన్: బ్యాంకులు ముందుగా మంజూరు చేసిన క్రెడిట్ లైన్ను వినియోగించుకునేందుకు ఈ ఫీచర్ ఉపయోగపడుతుంది. UPI పేమెంట్స్ కోసం ఈ రుణాల్ని వినియోగించుకోవచ్చు.
COMMENTS