Train Tickets: How to cancel train tickets
Train Tickets: ట్రైన్ టికెట్స్ ఎలా క్యాన్సిల్ చేసుకోవాలి.. స్టెప్ బై స్టెప్ ప్రాసెస్ ఇదిగో.. ఎప్పుడు ఎంత కట్ అవుతాయంటే?
Train Tickets Cancellation: ఈ రోజుల్లో రైలులో ప్రయాణించడం ఎంత కష్టమో ప్రత్యేకంగా చెప్పాల్సిన పని లేదు. జనం రద్దీ ఎక్కువగా ఉంటుంది. ఆన్‌లైన్‌లో చాలా రోజుల ముందే బుక్ చేసుకుంటే గానీ సీటు దొరకడం చాలా చాలా కష్టం. ఇప్పుడు టెక్నాలజీ పెరిగిన తర్వాత చాలా మంది ఆన్‌లైన్ ద్వారానే ట్రైన్ టికెట్స్ బుక్ చేసుకుంటున్నారు. అసలే టికెట్ దొరకడం కష్టమంటే.. ఇక పండగ సమయాలు, రద్దీ ఎక్కువగా ఉన్నప్పుడు రైలు టికెట్లు బుక్ చేసుకోవడం తలకు మించిన భారమే అవుతుంది. అందుకే చాలా అడ్వాన్స్‌గా (ఇది నెల, 2 నెలలు ముందు కూడా అవ్వొచ్చు) రిజర్వేషన్ చేసుకుంటారు. అలాంటి సమయాల్లోనే తీరా జర్నీ డేట్ వచ్చేసరికి హెల్త్ ఇష్యూస్, ఇతర కారణాలతో ప్రయాణం వాయిదా పడొచ్చు. అప్పుడు టికెట్లు ఎలా క్యాన్సిల్ చేసుకోవాలో తెలియక చాలా మంది ఆందోళన చెందుతుంటారు. అయితే అలాంటి ఆందోళన వద్దు. ఆన్‌లైన్‌లో ట్రైన్ టికెట్లను రెండు విధాలుగా క్యాన్సిల్ చేసుకోవచ్చు. అదెలాగంటే?
IRCTC మొబైల్ యాప్‌లో..
- తొలుత IRCTC యాప్‌లోకి లాగిన్ కావాల్సి ఉంటుంది.
- లాగిన్ కోసం 4 అంకెల పిన్ అవసరం. మీరు అకౌంట్ క్రియేట్ చేసుకున్నప్పుడే మీకు లాగిన్ పిన్ వస్తుంది.
- పిన్ గుర్తులేకుంటే Forgetting Pin పై క్లిక్ చేస్తే మళ్లీ పిన్ పొందొచ్చు.
- లాగిన్ చేస్తే ఐఆర్‌సీటీసీ హోం పేజీ ఓపెన్ అవుతుంది.
- ఇప్పుడు మీరు My Bookings ఆప్షన్ ఎంచుకొని.. దానిపై క్లిక్ చేయాలి.
- అక్కడ మీరు బుక్ చేసుకున్న టికెట్స్ లిస్ట్ కనిపిస్తుంది.
- రద్దు చేయాలనుకుంటున్న టికెట్లపై క్లిక్ చేయాలి. టికెట్ పూర్తి వివరాలు అక్కడ కనిపిస్తాయి.
- అప్పుడు టికెట్‌పై ఉండే 3 చుక్కలపై క్లిక్ చేయాలి.
- కొత్త పేజీలో మీకు Cancel Ticket అనే ఆప్షన్ కనిపిస్తుంది. దానిపై క్లిక్ చేయాలి.. అన్ని టికెట్స్ క్యాన్సిల్ చేయాలనుకుంటే select all ఆప్షన్‌పై క్లిక్ చేయాలి.
- మిమ్మల్ని కన్ఫర్మేషన్ కోసం అడుగుతుంది. అప్పుడు Confirm పై క్లిక్ చేస్తే irctc ట్రైన్ టికెట్ క్యాన్సిల్ అవుతుంది.
IRCTC పోర్టల్‌లో ఇలా..
- దీని కోసం ముందుగా IRCTC.co.in వెబ్‌సైట్‌లోకి లాగిన్ కావాలి.
- పైన లాగిన్ ఆప్షన్‌పై క్లిక్ చేసి లాగిన్ కావాలి.
- దీని కోసం కచ్చితంగా ID, Password ఉండాలి.
- టికెట్స్ బుకింగ్ సమయంలో ఫిల్ చేసిన అకౌంట్ డీటెయిల్స్, యూజర్ ఐడీ, పాస్‌వర్డ్, క్యాప్చాతో లాగిన్ కావాలి.
- తర్వాత my account పై క్లిక్ చేయాలి. అక్కడ my profile అనే ఆప్షన్‌ను ఎంచుకోవాలి.
- నెక్ట్స్ ఓపెన్ అయిన పేజీలో మీరు booked ticket history చూస్తారు. అక్కడ మీరు రద్దు చేయాల్సిన టికెట్‌పై క్లిక్ చేయాలి.
- టికెట్ పూర్తి డీటెయిల్స్ కనిపిస్తాయి. అప్పుడు క్యాన్సిల్ టికెట్ అనే ఆప్షన్‌పై క్లిక్ చేయాలి.
ఈ రూల్స్ తెలుసుకోవాలి..
- టికెట్లు క్యాన్సిల్ చేసే సమయంలో మనం మొదట ఐఆర్‌సీటీసీ క్యాన్సిలేషన్ పాలసీ, రీఫండ్ ప్రాసెస్ వంటి వివరాల్ని తెలుసుకోవాలి. తర్వాతే టికెట్లు రద్దు చేసుకోవడం మంచిది. చాలా మందికి ట్రైన్ టికెట్ ఎప్పుడు క్యాన్సిల్ చేస్తే ఎంత ఛార్జ్ చెల్లించాలో పెద్దగా అవగాహన ఉండకపోవచ్చు. అందుకే ఏ క్లాస్‌లో ఎంత రీఫండ్ వస్తుందనేది తెలుసుకోవడం ఉత్తమం.
- మీరు టికెట్ బుక్ చేసుకున్నారు. మీ ట్రైన్ టికెట్ ఛార్ట్ సిద్ధమైంది. మీ టికెట్స్ RAC లేదా వెయిటింగ్ చూయిస్తున్నట్లయితే .. అప్పుడు ట్రైన్ బయల్దేరే 30 నిమిషాల ముందు టికెట్ రద్దు చేసుకోవాలంటే.. స్లీపర్‌రో 60 రూపాయలు.. ఏసీలో 65 రూపాయలు కట్ అవుతాయి.
- ఇక టికెట్ కన్ఫర్మ్ అయి.. ట్రైన్ బయల్దేరే 48 గంటల ముందు టికెట్ రద్దు చేస్తే.. రెండో సీటర్ క్లాస్‌లో ఒక్కో ప్రయాణికుడికి రూ. 68 వసూలు చేస్తారు.
- అదే మీరు కన్ఫర్ చేసిన టికెట్ ఉండి రద్దు చేస్తే రూ.120 చెల్లించాలి.
- AC ఛైర్ క్లాస్‌లో ఏదైనా ట్రైట్ టికెట్ కోసం మీరు రూ.120 చెల్లించాలి. One Class కోసం రూ.180 చెల్లించాలి.
- సెకండ్ AC టికెట్ల రద్దుకు రూ.200, ఫస్ట్ క్లాస్ ఏసీకి రూ.240 తగ్గుతుంది. స్లీపర్ క్లాస్‌లో ఎలాంటి జీఎస్టీ ఛార్జ్ చేయరు.. కానీ AC క్లాస్ కోసం GST చెల్లించాలి.
COMMENTS