Saving Schemes: 5 Best Saving Schemes for Boys.. That's Benefits.. What? 2023

 Saving Schemes: 5 Best Saving Schemes for Boys.. That's Benefits.. What?

Saving Schemes: అబ్బాయిల కోసం 5 బెస్ట్ సేవింగ్ స్కీమ్స్.. అదిరే బెనిఫిట్స్.. ఏంటంటే?

Saving Schemes: ఆడ పిల్లల కోసం కేంద్రం సుకన్య సమృద్ధి యోజన స్కీమ్ ద్వారా సేవింగ్స్ చేసేందుకు అవకాశం కల్పిస్తోంది. వారికి గరిష్ఠ వడ్డీ రేట్లు అందిస్తోంది. అయితే, మగ పిల్లల పేరుపై పొదుపు చేసేందుకు ఎలాంటి స్కీమ్స్ ఉన్నాయి. అంటే ఈ 5 బెస్ట్ పోస్టాఫీస్ స్కీమ్స్ ద్వారా అదిరే బెనిఫిట్స్ పొందవచ్చు. అవేంటో తెలుసుకుందాం.

Saving Schemes: కేంద్ర ప్రభుత్వం సామాన్య ప్రజలకు ఆర్థిక భద్రత కల్పించేందుకు చాలా రకాల సేవింగ్స్ స్కీమ్స్ అందుబాటులోకి తెచ్చింది. ప్రత్యేకంగా మహిళలు, చిన్నారుల కోసం పలు పథకాలు ఉన్నాయి. అందులో ఆడ పిల్లల భవిష్యత్తు కోసం సుకన్య సమృద్ధి యోజన అందుబాటులోకి తెచ్చింది. ఇది చాలా ఆదరణ పొందింది. లక్షల ఖాతాలు తెరిచి 10 ఏళ్లలోపు ఆడ పిల్లల పేరుపై సేవింగ్స్ చేస్తున్నారు. అయితే, మగ పిల్లలు ఉన్న తల్లిదండ్రులు ఎందులో ఇన్వెస్ట్ చేయాలని ఆందోళన చెందుతుంటారు. అయితే, మగ పిల్లల పేరుపైనా పొదుపు చేసేందుకు చాలా స్కీమ్స్ అందుబాటులో ఉన్నాయి. చాలా మంది తమకు పిల్లలు పుట్టినప్పుటి నుంచే ఏదైనా పొదపు పథకంలో చేరాలని భావిస్తుంటారు. పిల్లల భవిష్యత్తుకు సంబంధించి మంచి పెట్టుబడి స్కీమ్ కోసం చూస్తున్న వారికి కేంద్ర ప్రభుత్వం వివిధ పోస్టాఫీస్ సేవింగ్స్ పథకాలు అందిస్తోంది.

కిసాన్ వికాస్ పత్ర స్కీమ్.. 

పోస్టాఫీసు ద్వారా 1988లో ప్రవేశపెట్టిన కిసాన్ వికాస్ పత్ర స్కీమ్ తక్కువ ఆదాయ కుటుంబాలకు మంచి ఆప్షన్‌గా చెప్పవచ్చు. మగ పిల్లల కోసం ఒక స్వల్ప కాలిక పోస్టాఫీసు పొదుపు స్కీమ్. ఏడాదికి ఒక నిర్దిష్ట మొత్తం పెట్టుబడి పెట్టడానికి ఈ స్కీమ్ అనుమతిస్తుంది. 18 ఏళ్లు నిండిన ఎవరైనా ఈ పథకానికి అర్హులు. 18 ఏళ్ల లోపు వారి తరపున సంరక్షకులు అప్లై చేసుకోవచ్చు. ఇందులో కనీసం రూ. 1000 నుంచి గరిష్ఠంగా ఎంతైనా పెట్టుబడి పెట్టవచ్చు. వార్షిక వడ్డీ రేటు 7.9 శాతంగా ఉంది. మెచ్యూరిటీ సమయం పదేళ్ల 4 నెలలు.

నేషనల్ సేవింగ్స్ సర్టిఫికెట్.. 

నేషనల్ సేవింగ్స్ సర్టిఫికెట్ అనేది తక్కువ రిస్క్, ఫిక్స్‌డ్ ఇన్‌కమ్ ఉన్న స్కీమ్. ఇందులో ట్యాక్స్ బెనిఫిట్స్ తో పాటు చిన్న, మధ్య ఆదాయ పెట్టుబడిదారులను ప్రోత్సహించడమే ఈ స్కీమ్ లక్ష్యం. 18 ఏళ్ల లోపు పిల్లల పేరుపై తల్లిదండ్రులు ఖాతా తీసుకోవచ్చు. కనీసం రూ. 1000 నుంచి ఎంతైనా పెట్టుబడి పెట్టవచ్చు. ప్రస్తుతం ఇందులో 7.7 శాతం వార్షిక వడ్డీ ఉంది. మెచ్యూరిటీ కాలం 5 ఏళ్లు. ఇందులో రూ. 1.5 లక్షల ట్యాక్స్ బెనిఫిట్స్ ఉంటాయి.

పోస్టాఫీసు నెలవారీ ఆదాయ పాలసీ..

ఈ పథకం కూడా మగ పిల్లల కోసం పోస్టాఫీసు అందిస్తున్న పొదుపు స్కీమ్. ఆర్థిక మంత్రిత్వ శాఖ ఆధ్వర్యంలో ఈ స్కీమ్ అందిస్తున్నారు. కనిష్ఠ పెట్టుబడి రూ.1000గా ఉండగా గరిష్టంగా రూ.4.5 లక్షల వరకు పెట్టుబడి పెట్టవచ్చు. ఈ స్కీమ్ వడ్డీ రేటు ఏప్రిల్- జూన్ 2023 నాటికి 7.40 శాతంగా ఉంది. నెలవారిగా ఇందులో వడ్డీ చెల్లింపులు ఉంటాయి. మెచ్యూరిటీ కాలం 5 ఏళ్లుగా ఉంటుంది. టీడీఎస్ వర్తించదు. సెక్షన్ 80సీ ట్యాక్స్ మినహాయింపు ఉంటుంది.

రికరింగ్ డిపాజిట్ స్కీమ్.. 

మగ పిల్లల పేరుపై ఇన్వెస్ట్ చేసేందుకు పోస్టాఫీసు అందిస్తున్న మరో స్కీమ్ ఇది. సాధారమ సేవింగ్స్ ఖాతాతో అధిక వడ్డీ రేటు ఇస్తుంది. ఇందులో తల్లిదండ్రులు 5 ఏళ్ల పాటు ప్రతి నెలా నిర్దిష్ట మొత్తాన్ని ఖాతాలో ఆదా చేసుకోవచ్చు. టెన్యూర్ 5 ఏళ్లుగా ఉంటుంది. లాకిన్ పీరియడ్ 3 నెలలు. కనీస పెట్టుబడి రూ.100గా ఉండగా గరిష్ట పరిమితి ఏమీ లేదు. వడ్డీ రేటు 5.8 శాతంగా ఉంది. మీరు ఈ ప్లాన్ నుంచి మీ పొదుపు ఖాతాకు నిధులను బదిలీ చేసుకోవచ్చు.

పబ్లిక్ ప్రావిడెంట్ ఫండ్ స్కీమ్.. 

పబ్లిక్ ప్రావిడెంట్ ఫండ్ అనే స్కీమ్ ట్యాక్స్ ఆదా చేయడానికి రూపొందించారు. మగపిల్లలకు ఇది బెస్ట్ స్కీమ్ గా చెప్పవచ్చు. ఈ స్కీమ్‌లో కనీస పెట్టుబడి రూ.500 కాగా.. గరిష్ఠ పెట్టుబడి రూ. 1.5 లక్షల వరకు పెట్టుబడి పెట్టవచ్చు. పీపీఎఫ్ 15 ఏళ్ల లాకిన్ పదవీ ఉంటుంది. టెన్యూర్ ముగిసిన తర్వాత మరో 5 ఏళ్ల పాటు పొడిగించుకోవచ్చు. ఈ స్కీమ్ జూన్ 2023 నాటికి వడ్డీ రేటు 7.1 శాతంగా ఉంది. ట్యాక్స్ యాక్ట్ లోని సెక్షన్ 80సీ ప్రకారం రూ. 1.5 లక్షల వరకు పన్ను మినహాయంపు పొందవచ్చు.