PNBank 2023

 The key announcement of the giant government bank.. definitely it should be updated.. August 31 last!

ప్రభుత్వ దిగ్గజ బ్యాంక్ కీలక ప్రకటన.. కచ్చితంగా అది అప్‌డేట్ చేసుకోవాల్సిందే.. ఆగస్ట్ 31 లాస్ట్!

Bank News: ప్రభుత్వ దిగ్గజ బ్యాంక్ ఒకటి కీలక ప్రకటన చేసింది. ఇప్పటివరకు ఇ-కేవైసీ పెండింగ్‌లో ఉన్న కస్టమర్లు త్వరగా అది అప్‌డేట్ చేసుకోవాలని స్పష్టం చేసింది. ఇందుకు ఆగస్ట్ 31 లాస్ట్ డేట్‌గా పేర్కొంది. ఇప్పటికే సదరు కస్టమర్లకు అడ్రస్‌కు, ఫోన్‌కు ఈ సమాచారం అందించినట్లు వెల్లడించింది.

Bank Customers: దిగ్గజ ప్రభుత్వ బ్యాంక్.. పంజాబ్ నేషనల్ బ్యాంక్ తన కస్టమర్లకు కీలక ప్రకటన జారీ చేసింది. నో యువర్ కస్టమర్ (know Your Customer) - ఇకేవైసీ (eKyc) అప్‌డేట్ చేసుకోవాలని పేర్కొంది. 2023, ఆగస్ట్ 31లోగా ఇది పూర్తి చేయాలని వెల్లడించింది. రిజర్వ్ బ్యాంక్ ఆఫ్ ఇండియా మార్గదర్శకాల ప్రకారం ఇది తప్పనిసరిగా చేయాలని కోరింది. ఇప్పటికే ఇ-కేవైసీ పూర్తి చేసుకోని బ్యాంక్ కస్టమర్లకు .. బ్యాంక్ వారివారి అడ్రస్‌కు అదే విధంగా ఫోన్‌లో మెసేజ్ నోటిఫికేషన్ల ద్వారా నోటీసులు పంపినట్లు తెలిపింది.

ఈ మేరకు పీఎన్‌బీ బ్యాంక్ ఆగస్ట్ 2న ఒక ప్రకటనలో వివరించింది. ఇంకా బ్యాంక్ సోషల్ మీడియా పేజీల్లోనూ, అదే విధంగా వార్తాపత్రికల్లోనూ ఇది వచ్చినట్లు తెలిపింది. PNB ONE/IBS/registered e – mail/post ల్లో లేదా బ్యాంకును నేరుగా సంప్రదించి ఇ-కేవైసీ అప్‌డేట్ చేసుకోవచ్చని వివరించింది. ఒకవేళ ఇది అప్‌డేట్ చేసుకోకుంటే.. అకౌంట్ నిర్వహణలో ఇబ్బందులు తలెత్తవచ్చని తెలిపింది.

ఇక మరోవైపు పంజాబ్ నేషనల్ బ్యాంక్.. తాజాగా తన ఎంసీఎల్‌ఆర్ రేట్ల గురించి కూడా కీలక ప్రకటన చేసింది. ప్రస్తుతానికి ఈ రుణ ఆధారిత వడ్డీ రేట్లను యథాతథంగా ఉంచుతున్నట్లు ప్రకటించింది. PNB వెబ్‌సైట్ ప్రకారం.. ఇప్పుడు ఓవర్‌నైట్ MCLR రేటు 8.10 శాతంగా ఉంది. ఇక ఒక నెల ఎంసీఎల్‌ఆర్ రేటు 8.20 శాతం, అదే విధంగా 3 నెలల ఎంసీఎల్‌ఆర్ 8.30 శాతం, 6 నెలల MCLR 8.50 శాతంగా ఉన్నాయి.