Real Estate: Varney.. per month Rs. 1.58 crore rent.. Rs. 9.4 crore advance.. Is there such a demand here?
Real Estate: వార్నీ.. నెలకు రూ. 1.58 కోట్ల అద్దె.. రూ.9.4 కోట్ల అడ్వాన్స్.. ఇక్కడ అంత డిమాండ్ ఉందా?
Office Space: ఇటీవలి కాలంలో రియల్ ఎస్టేట్ ఎంతలా వృద్ధి చెందుతుందో చూస్తూనే ఉన్నాం. ముంబై, హైదరాబాద్, బెంగళూరు ప్రధాన మార్కెట్లుగా ఉన్నాయి. ఇక్కడ ఫ్లాట్లు, ప్లాట్లు, ఆఫీస్ స్పేస్ ఏదైనా రికార్డు ధరలు పలుకుతున్నాయి. ఇప్పుడు ఒక సంస్థ ఆఫీస్ స్పేస్ కోసం నెలకు రూ.1.58 కోట్లు చెల్లించేందుకు సిద్ధమైంది. సెక్యూరిటీ డిపాజిట్ కింద రూ.9.40 కోట్ల అడ్వాన్స్ ఇచ్చింది. ఇదెక్కడంటే?
Bengaluru: రియల్ ఎస్టేట్లో మనం తరచూ రికార్డ్ డీల్స్ చూస్తూనే ఉన్నాం. అయితే అపార్ట్మెంట్లను కోట్లకు కోట్లు పెట్టి కొనుగోలు చేసేవాళ్లను,, ప్లాట్లను రికార్డు ధరకు దక్కించుకునే వాళ్లను చూస్తూనే ఉన్నాం. మొన్నటికి మొన్న హైదరాబాద్ కోకాపేట్లో ఎకరం భూమి వంద కోట్లకుపైనే పలికింది కూడా. అయితే ఇప్పుడు రియల్ ఎస్టేట్కు అడ్డాగా ఉన్న ప్రధాన నగరాల్లో బెంగళూరు కూడా ఒకటి. ఇక్కడ ఇప్పుడు రికార్డు డీల్ జరిగింది. మోర్గాన్ స్టాన్లీ అడ్వాంటేజ్ సర్వీసెస్ ప్రైవేట్ లిమిటెడ్ .. బెంగళూరులో ఆఫీస్ స్పేస్ లీజుకు తీసుకుంది. దీనికి రికార్డు స్థాయిలో చెల్లించనుంది.
ఒక కమర్షియల్ కాంప్లెక్స్లో లక్షా 36 వేల చదరపు అడుగుల మేర విస్తరించి ఉన్న 3 ఫ్లోర్లను లీజుకు తీసుకుంది. మొత్తం పదేళ్ల కోసం ఒప్పందం కుదుర్చుకుంది. ఇక ఇందులో భాగంగా నెలకు రూ.1.58 కోట్లు అద్దె చెల్లించాలి. ఈ మేరకు డీల్ వివరాల్ని వెల్లడించింది రియల్ ఎస్టేట్ డేటా, అనలిటిక్స్ ప్లాట్ఫాం ప్రాప్స్టాక్.
బెంగళూరు సర్జాపూర్లోని అవుటర్ రింగ్ రోడ్డు దగ్గర RMZ ఎకోవరల్డ్లో రెండు, మూడు, ఐదో ఫ్లోర్లు అద్దెకు తీసుకుంది. డాక్యుమెంట్ల ప్రకారం.. రూ. 9.4 కోట్ల సెక్యూరిటీ డిపాజిట్ కూడా మోర్గాన్ స్టాన్లీ చెల్లించినట్లు తెలిసింది.
ఈ ప్రాపర్టీ స్పెషల్ ఎకనామిక్ జోన్ కిందికి వస్తుంది. మొత్తం ఛార్జెబుల్ ఏరియా 1.36 లక్షల చదరపు అడుగులు కాగా.. ఒక చదరపు అడుగుకు రూ.116 చొప్పున పడుతుంది. ఇక అద్దె ప్రతి 3 సంవత్సరాలకు 15 శాతం చొప్పున పెరుగుతుందని డాక్యుమెంట్లను బట్టి తెలిసింది. ఇంకా ఈ డీల్లో భాగంగా 177 కార్లను పార్కింగ్ చేసుకునే వీలుగా ఖాళీ స్థలం వస్తుంది. ఒప్పందాన్ని అవసరమైతే మరో ఐదేళ్లు పొడిగించుకునే అవకాశం కూడా ఉంది.
COMMENTS