Cleaning Tips 2023

 Cleaning Hacks : Are the switch boards in your house looking dirty and unhygienic..? Just clean with this toothpaste.. and it will become new..

Cleaning Hacks : మీ ఇంట్లోని స్విచ్ బోర్డులు మురికిగా, అపరిశుభ్రంగా కనిపిస్తున్నాయా..? ఈ టూత్ పెస్టుతో క్లీన్ చేస్తే చాలు.. కొత్తగా మారిపోతాయి..

ప్రతి వ్యక్తి తన ఇంటిని శుభ్రంగా ఉంచుకోవాలని అనుకుంటారు. దీని కోసం అనేక రకాలుగా ప్రయత్నిస్తుంటారు. అది ఇంటి సోఫా అయినా లేదా ఏదైనా కిచెన్ వస్తువు అయినా, ప్రతిదీ దేదీప్యమానంగా ప్రకాశించాలా చూసుకోవాలి. ఇలా ఉంటే మీ ఇంటి అందాన్ని పెరుగుతుంది. కానీ మనలో చాలా మంది ఎలక్ట్రికల్ స్విచ్‌లు, స్విచ్ బోర్డులపై శ్రద్ధ పెట్టరు. అదే సమయంలో, స్విచ్ బోర్డ్ శుభ్రం చేయడానికి ప్రయత్నించే వారికి కూడా ఇది పెద్ద పని అవుతుంది. మీ ఇంట్లోని స్విచ్ బోర్డులు చాలా మురికిగా.. మరకలు పడి ఉంటే చింతించకండి. మీ స్విచ్ బోర్డు.. దాని బోర్డ్‌ను సరికొత్తగా మెరిసేలా చేయడంలో మీకు సహాయపడే కొన్ని చిట్కాలను మనం తెలుసుకుందాం. 

కరెంట్ నిలివేసిన తర్వాతే..

ఏదైనా ఎలక్ట్రికల్ వస్తువును శుభ్రపరిచేటప్పుడు ముందుగా స్విచ్ బోర్డ్‌కు పవర్ ఆపివేయాలని గుర్తుంచుకోండి. మీరు దీన్ని చేయకపోతే, మీరు విద్యుదాఘాతానికి గురవుతారు. అంతే కాకుండా విద్యుత్ సరఫరా నిలిపివేసిన తర్వాత కుటుంబ సభ్యులకు తెలియజేసి, ఎవరూ అనుకోకుండా విద్యుత్ బోర్డును ఆన్ చేయకూడదని చెప్పండి. 

టూత్‌పేస్ట్‌తో స్విచ్‌ని ప్రకాశవంతం చేయండి

మనం దంతాలను శుభ్రం చేయడానికి టూత్‌పేస్ట్‌ను ఉపయోగిస్తాం. ఈ పేస్ట్ మీ దంతాలను కాంతివంతం చేయడమే కాకుండా.. మీ ఇంటి స్విచ్ బోర్డ్‌ను కూడా ప్రకాశవంతంగా మెరిసేలా చేస్తుంది. దీని వల్ల మీ ఇంటి స్విచ్ బోర్డ్ వెంటనే మిరుమిట్లు గొలుపుతుంది.

స్విచ్ బోర్డ్‌ను శుభ్రం చేయడానికి..

• ఎలక్ట్రికల్ స్విచ్, బోర్డ్‌ను శుభ్రం చేయడానికి, ముందుగా ఒక పాత్రలో అవసరమైన టూత్‌పేస్ట్‌ను తీసుకోండి. 
• దీని తరువాత, దానికి 2 టీస్పూన్ల బేకింగ్ సోడా వేసి బాగా కలపాలి. 
• ఇప్పుడు కొన్ని చుక్కల నీరు వేసి కలపాలి. 
• స్విచ్ బోర్డ్‌పై పేస్ట్‌ మిశ్రమాన్ని అప్లై చేసి సుమారు 10 నిమిషాలు అలాగే ఉంచండి. 
• సుమారు 10 నిమిషాల తర్వాత, శుభ్రమైన గుడ్డ సహాయంతో స్విచ్ బోర్డ్‌ను రుద్దండి. 
• ఈ హ్యాక్ మీ ఇంట్లోని అన్ని బోర్డులను ప్రకాశింపజేస్తుంది.