Bank Account: Can a bank account be hacked with Aadhaar number? What do the experts say?
Bank Account: ఆధార్ నంబర్‌తో బ్యాంక్ ఖాతా హ్యాక్ చేయొచ్చా? నిపుణులు ఏమంటున్నారు.
Bank Account: బ్యాంక్ అకౌంట్‌కు ఆధార్ అనుసంధానం చేసుకోవాలని బ్యాంకులు సూచిస్తున్నాయి. ప్రస్తుతం వేలి ముద్రలతోనే డబ్బులు తీసుకునే వెసులుబాటు వచ్చింది. అయితే, సైబర్ నేరగాళ్లకు మీ ఆధార్ నంబర్ తెలిస్తే బ్యాంకులో డబ్బులు దోచుకుంటారా? అనే సందేహాలు తెలత్తుతున్నాయి. ఇంతకీ అకౌంట్ హ్యాక్ చేయొచ్చా?
Bank Account: ఆధార్.. అనేది భారతీయుల జీవితంలో ఒక భాగమైపోయింది. ఏ చిన్ని ఆర్థిక లావాదేవీ చేయాలన్నా ఆధార్ తప్పనిసరి. బ్యాంకు ఖాతాలకు ఆధార్ లింక్ చేసుకోవాలని బ్యాంకులు సూచిస్తున్నాయి. దాదాపు అందరు ఆధార్ లింక్ చేసే ఉంటారు. అయితే, ఇలా బ్యాంకు ఖాతాలకు ఆధార్ అనుసంధానం చేసినప్పటి నుంచి కస్టమర్లలో కొన్ని భయాలు తలెత్తుతున్నాయి. సైబర్ నేరగాళ్ల చేతికి తమ ఆధార్ నంబర్ దొరికితే బ్యాంక్ అకౌంట్ హ్యాక్ చేసి డబ్బులు దోచుకుంటారేమోననే అనుమానాలు లెవనెత్తుతున్నారు. దీనిపై బ్యాంకింగ్ నిపుణులు ఏమంటున్నారో తెలుసుకుందాం.
ఆధార్ నంబర్ తెలిసినంత మాత్రాన బ్యాంకు అకౌంట్లను హ్యాక్ చేయలేరని బ్యాంకింగ్ నిపుణులు చెబుతున్నారు. ఓటీపీ, వేలి ముద్రలు, ఫేస్ ఐడీ, ఐరిష్ వివరాలు సైబర్ మోసగాళ్లకు తెలియనంత వరకు ఇబ్బందేమీ ఉండదని ఇండస్ ఇండ్ బ్యాంక్ కన్జ్యూమర్ ఆపరేషన్స్ అధినేత అనిల్ రావ్ పేర్కొన్నారు. అందు వల్ల తమ బయోమెట్రిక్ వివరాలను భద్రంగా ఉంచుకోవాలని సూచిస్తున్నారు.
గతేడాది డిసెంబర్లో జరిగిన ఓ మోసం మాత్రం అందిరిలోనూ వణుకు పుట్టిస్తోంది. 2022లో దక్షిణ హరియాణాలోని పల్వాల్ తహసీల్దారు ఆఫీసులో సైబర్ మోసగాళ్లు వేలి ముద్రలు దొంగిలించారు. వారి ఆధార్ నంబర్లు సేకరించింది వాటి ద్వారా ఆదార్ ఎనేబుల్డ్ పేమెంట్ సిస్టమ్స్ ఉపోయోగించి భారీ స్థాయిలో డబ్బులు కొట్టేశారు. దీంతో ప్రభుత్వం సెక్యూరిటీ ప్రోటోకాల్స్ పెంచింది. ఫింగర్ ప్రింట్ ఎనేబుల్డ్ పేమెంట్ సిస్టమ్స్ లో నకిలీ లేదా గమ్మీ చేతి ముద్రలతో చేసే మోసాల నుంచి రక్షించేందుకు యూఐడీఏఐ ఆర్టిఫిషియల్ ఇంటెలిజెన్స్ టెక్నాలజీని ప్రవేశపెట్టింది. ఫింగర్ మైన్యూటి రికార్డు, ఫింగర్ ఇమేజ్ రికార్డు ఉపయోగిస్తోంది.
ఆధార్ ఎనేబుల్డ్ పేమెంట్ సిస్టమ్స్ నుంచి ట్రాన్సాక్షన్ చేయాలంటే బ్యాంకు పేరు, ఆధార్ నంబర్, బయోమెట్రిక్ వివరాలు అవసరం. ఈ మూడింటిని సైబర్ నేరగాళ్లు సేకరించగలిగితేనే మోసాలకు పాల్పడేందుకు ఛాన్స్ ఉంది. ఇవి మోసగాళ్లకు చిక్కొద్దంటే యూఐడీఏఐలోని మీ మొబైల్ నంబర్‌తో బయోమెట్రిక్‌ను లాక్ చేసుకోవాలి. ఇలా చేయడం వల్ల అథెంటికేషన్ ఫెయిల్ అయినప్పుడు ఎర్రర్ కోడ్ 330 వస్తుంది. మరోవైపు.. ఇలాంటి మోసాలను అరికట్టేందుకు నేషనల్ పేమెంట్స్ కార్పొరేషన్ ఆఫ్ ఇండియా ఫ్రాడ్ రిస్క్ మేనేజ్‌మెంట్ టెక్నాలజీని తీసుకొచ్చింది. ఇది రియల్ టైమ్ లో మోసాల నుంచి కాపాడేందుకు ప్రయత్నిస్తుంది. అయితే, ఎంత టెక్నాలజీ అభివృద్ది చేసిన సైబర్ నేరగాళ్లు సైతం అప్డేట్ అవుతుండడంతో బ్యాంక్ కస్టమర్లలో ఆందోళన పెరుగుతోంది. ప్రస్తుతానికి ఇబ్బందేమీ లేదని బ్యాంకులు భరోసా కల్పిస్తున్నాయి.
COMMENTS