AI Jobs 2023

 AI Jobs : After Inter.. if you study this course full demand.. ready thousands of jobs..! Salary up to Rs. 14 lakhs at the beginning..!

AI Jobs : ఇంటర్‌ తర్వాత.. ఈ కోర్సు చదివితే ఫుల్‌ డిమాండ్‌.. రెడీగా వేల ఉద్యోగాలు..! ప్రారంభంలోనే రూ.14 లక్షల వరకూ జీతం..!

artificial intelligence : ప్రస్తుతం ఏ నోట విన్నా.. ఆర్టిఫిషియల్‌ ఇంటెలిజెన్స్‌ (AI) పేరు మారుమోగుతోంది. భవిష్యత్తు అంతా AI మయం అవుతుందని నివేదికలు, టెక్‌ నిపుణులు చెబుతున్నారు. ఈ క్రమంలో AI కోర్సు చదవాలంటే ఎలాంటి అర్హతలుండాలి.. ఎక్కడ చదవాలి అనే విషయాలను తెలుసుకుందాం..

చాలా మంది తల్లిదండ్రులు తమ పిల్లలు డాక్టర్‌, ఇంజనీర్‌ కావాలని కోరుకుంటున్నారు. ఇటీవలికాలంలో సాంకేతిక పరిజ్ఞానం అభివృద్ధి చెందడంతో విద్యార్థులు ఇంజనీరింగ్‌లో ఉన్నత విద్యను అభ్యసించడానికి ఇష్టపడుతున్నారు. ముఖ్యంగా ఇంజనీరింగ్‌ కోర్సుల్లో ఆర్టిఫిషియల్ ఇంటెలిజెన్స్ (AI), మెషిన్‌ లెర్నింగ్‌, క్వాంటమ్‌ కంప్యూటింగ్‌ వంటి రంగాల పట్ల ఆసక్తి చూపుతున్నారు.

AI చదవడానికి ఉండాల్సిన అర్హతలు :

ఆర్టిఫిషియల్ ఇంటెలిజెన్స్ (AI) అనేది గతంలో ఉన్న సాఫ్ట్‌వేర్ ఇండస్ట్రీకి అడ్వాన్స్‌డ్ టెక్నాలజీ లాంటిది. AI విద్య అభ్యసించాలంటే ఏదైనా ఇంజినీరింగ్ కళాశాలలో అండర్ గ్రాడ్యుయేట్ (బీఈ, బీటెక్) లేదా పోస్ట్ గ్రాడ్యుయేట్ (ఎంఈ, ఎంటెక్, ఎంసీఏ) కోర్సుల్లో ఆ విభాగం ఉండాలి. అలాగే.. అండర్ గ్రాడ్యుయేట్ కోర్సుల్లో చేరాలనుకునే విద్యార్థులు తప్పనిసరిగా ఇంటర్మీడియట్ పరీక్షలో ఉత్తీర్ణులై ఉండాలి.

ఐఐటీ, ఎన్‌ఐటీ వంటి ఇన్‌స్టిట్యూట్‌లలో ఆర్టిఫిషియల్ ఇంటెలిజెన్స్‌కు సంబంధించిన బీటెక్ కోర్సుల్లో చేరేందుకు 'ప్రవేశ పరీక్ష' రాసి ఉత్తీర్ణులు కావాలి. మీరు మీ పోస్ట్ గ్రాడ్యుయేట్ (పీజీ) కోర్సుల్లో ఆర్టిఫిషియల్ ఇంటెలిజెన్స్ రంగాన్ని ఎంచుకోవాలనుకుంటే, కంప్యూటర్ సైన్స్, ఇన్ఫర్మేషన్ టెక్నాలజీ లాంటి వాటిలో బ్యాచిలర్ డిగ్రీ (బీఈ, బీటెక్) పూర్తి చేసి ఉండాలి. కొన్ని కాలేజీల్లో ఈఈఈ, ఈసీఈ వంటి ఇతర బ్రాంచీలకు చెందిన విద్యార్థులు కూడా పోస్ట్ గ్రాడ్యుయేట్ కోర్సుల్లో చేరేందుకు అనుమతిస్తారు.

AI కోర్సులు ఎక్కడెక్కడ చదవచ్చు..?

హైదరాబాద్‌లోని జేఎన్‌టీయూతో పాటు పలు విశ్వవిద్యాలయాల అనుబంధ కాలేజీలు ఆర్టిఫిషియల్ ఇంటెలిజెన్స్ విభాగంలో బీఈ, బీటెక్ చదవాలనుకునే విద్యార్థులకు ఈ కోర్సును అందిస్తున్నాయి. ఇండియాలో ఐఐటీ, ఎన్‌ఐటీ వంటి కాలేజీలు ఏఐ, మెషిన్ లెర్నింగ్, డేటా సైన్స్‌లో అండర్ గ్రాడ్యుయేట్, పోస్ట్ గ్రాడ్యుయేట్, డిప్లొమా కోర్సులను అందిస్తున్నాయి. అనేక స్వయంప్రతిపత్తిగల కళాశాలలు, ప్రైవేట్ వర్చువల్ విశ్వవిద్యాలయాలు కూడా ఏఐకి సంబంధించిన కోర్సులను అందిస్తున్నాయి. తమిళనాడులోని అన్నా యూనివర్సిటీ, దాని అనుబంధ కళాశాలల్లో కొన్ని మాత్రమే బీఈ, బీటెక్ కోర్సులలో ఏఐ సంబంధిత సబ్జెక్టులను అందిస్తున్నాయి. అయితే అన్నా యూనివర్శిటీతో సహా అనేక కళాశాలలు పోస్ట్ గ్రాడ్యుయేట్‌లో ఏఐ, మెషిన్ లెర్నింగ్, డేటా సైన్స్ సంబంధిత కోర్సులు కలిగి ఉన్నాయి.

కాలంతో పాటు దాని డిమాండ్ పెరుగుతోంది. ఈ దృష్ట్యా.. నేడు చాలా మంది విద్యార్థులు AIని కెరీర్ ఎంపికగా ఎంచుకుంటున్నారు. ఇది విద్యార్థుల యొక్క టాప్ కెరీర్ ఆప్షన్‌గా మారింది. ఈ రంగంలో కొన్ని గొప్ప కెరీర్ ఎంపికలు ఉన్నాయి. వీటిలోకి వెళ్లాలంటే ఫలానా సబ్జెక్టులో స్పెషలైజేషన్ చేయాలి. మీ ఆసక్తి మరియు అవసరాన్ని బట్టి మీరు ఎంచుకోవచ్చు. 

ముఖ్యంగా..

మిషన్ లెర్నింగ్ ఇంజనీర్

డేటా సైంటిస్ట్

రోబోటిక్స్ ఇంజనీర్

AI రీసెర్చ్ సైంటిస్ట్

AI ఇంజనీర్

How to Become a Pilot : ఇంటర్‌ తర్వాత.. లక్షల్లో జీతం వచ్చే పైలట్‌ కావాలంటే ఏం చేయాలో తెలుసా..? ప్రారంభంలోనే రూ.2 లక్షల వరకూ జీతం..!

మంచి జీతాలు

AI నిపుణులు కెరీర్ ప్రారంభం నుంచి మంచి ప్యాకేజీ ఆశించవచ్చు. AI డిగ్రీ ఉన్న గ్రాడ్యుయేట్లు ప్రారంభంలోనే.. నెలకు రూ.50,000 నుంచి రూ.1,00,000 లేదా ఏడాదికి రూ.14 లక్షల వరకు సంపాదించవచ్చు. అయితే.. ఈ విభాగంలో 8 ఏళ్లకు పైగా అనుభవం ఉన్న వారు గరిష్టంగా రూ.25 లక్షల నుంచి రూ.45 లక్షల వరకు అందుకోవచ్చు. రానున్న రోజుల్లో ఆర్టిఫిషియల్‌ ఇంటెలిజెన్స్ మంచి అవకాశాలను అందిస్తుంది. భవిష్యత్తును శాసించనున్న అడ్వాన్స్‌డ్‌ టెక్నాలజీలో భాగం కావాలనుకున్న వారికి ఏఐ బెస్ట్‌ ఆప్షన్‌.

భారత్‌లో పెరుగుతున్న ఏఐ బూమ్ (AI Boom In India) ద్వారా యువతకు మంచి అవకాశాలు రాబోతున్నట్లు ఇటీవల ఓ నివేదిక వెల్లడించింది. ప్రస్తుతం డేటా సైంటిస్ట్‌లు, మెషిన్ లెర్నింగ్ (ML) ఇంజినీర్లు వంటి అధికంగా డిమాండ్ ఉన్న ఉద్యోగాలు దాదాపు 45,000 అవకాశాలు ఉన్నాయని తెలిపింది. ప్రధానంగా స్క్రిప్టింగ్ లాంగ్వేజెస్, స్కెలెబుల్ మెషిన్ లెర్నింగ్ మోటల్స్ డెవలపింగ్ స్కిల్స్ ఉన్న వారికి అధికంగా డిమాండ్ ఉన్నట్లు నివేదిక పేర్కొంది.