National youth volunteer scheme 2024

 National Youth Volunteer Scheme.. Every month Rs. 5 thousand .. Do you know how to apply?

నేషనల్ యూత్ వాలంటీర్ స్కీం.. ప్రతి నెలా చేతికి రూ. 5 వేలు వస్తాయ్.. ఎలా అప్లై చేయాలో తెలుసా?

National Youth Volunteer: కేంద్ర ప్రభుత్వం పలు రకాల సంక్షేమ పథకాలను అమలు చేస్తున్న విషయం తెలిసిందే. అయితే చాలా వరకు అందరికీ తెలిసుండదు. ఇలాగే సమాజంలో తమ వంతుగా సేవ చేయాలనుకునే యువతీ యువకులకు కేంద్ర ప్రభుత్వం అద్భుతమైన స్కీం అమలు చేస్తోంది. ఇదే నేషనల్ యూత్ వాలంటీర్ పథకం. ఇందులో నెలకు చేతికి రూ.5 వేల చొప్పున వస్తాయ్. దాని గురించి పూర్తి వివరాలు తెలుసుకుందాం.

National Youth Volunteer: కేంద్ర ప్రభుత్వం అమలు చేస్తున్న నేషనల్ యూత్ వాలంటీర్ స్కీమ్ గురించి మీకు తెలుసా? ఈ పథకంలో చేరి తమ ప్రాంతంలో వాలంటీర్‌గా పనిచేసే వారికి కేంద్రం ప్రతి నెలా రూ. 5 వేల చొప్పున గౌరవ వేతనం అందిస్తుంటుంది. అసలు ఈ పథకం ఏంటి? ఇందులో చేరాలంటే ఉండాల్సిన అర్హతలేంటి? దరఖాస్తు ఎలా చేసుకోవాలి? చూద్దాం. ఈ పథకం కింద వాలంటీర్‌గా చేరేవారిని నేషనల్ యూత్ కార్ప్స్ (National Youth Corps) అని కూడా అంటారు. కేంద్ర క్రీడా, యువజన వ్యవహారాల మంత్రిత్వ శాఖ నేతృత్వంలోని నెహ్రూ యువ కేంద్ర సంఘటన్ (NYKS).. ఈ పథకాన్ని పర్యవేక్షిస్తోంది.

ఈ స్కీం ఏంటి?

ఈ స్కీంలో చేరితే గరిష్టంగా రెండేళ్ల వరకు వాలంటీర్‌గా పని చేసే అవకాశం కల్పిస్తోంది. ప్రతి నెలా రూ. 5 వేల చొప్పున వేతనం ఉంటుంది. ఏటా కేంద్రం.. 12 వేల మంది వాలంటీర్లను ఈ స్కీం కింద ఎంపిక చేస్తుంది. ఆయా రాష్ట్రాల్లో బ్లాక్ లెవెల్ స్థాయి ప్రాంతాలకు వీరిని పంపి.. అక్కడ సేవలు చేయిస్తుంది.

అర్హతలు?

18 నుంచి 29 సంవత్సరాల వయసు ఉన్న వారు మాత్రమే ఈ వాలంటీర్ స్కీంలో చేరేందుకు అర్హులు. ఎంపికైన అభ్యర్థులకు తొలుత 4 వారాల ట్రైనింగ్ ఇస్తారు.

క్వాలిఫికేషన్

ఈ వాలంటీర్ స్కీమ్‌లో చేరాలనుకునేవారు కచ్చితంగా 10 వ తరగతి పాసై ఉండాలి.

వీరికే ప్రాధాన్యం

గ్రాడ్యుయేషన్ పూర్తి చేసి టెక్నికల్ స్కిల్స్ ఉన్న అభ్యర్థులకు నేషనల్ యూత్ వాలంటీర్ ఎంపికలో ప్రాధాన్యం కల్పిస్తారు. ఇంకా ఆండ్రాయిడ్ ఫోన్ సహా పలు రకాల యాప్స్ ఉపయోగించడంపై అనుభవం ఉన్న వారికి కూడా ప్రియార్టీ ఇస్తారు.

ఎవరైనా చేరొచ్చా?

రెగ్యులర్ విద్యార్థుల్ని చేర్చుకోరు. కాలేజీల్లో రెగ్యులర్ స్టూడెంట్‌గా చదువుతున్న వారు ఈ స్కీంలో చేరేందుకు అనర్హులు. వారు తమ కాలేజీల్లో NCC లేదా NSS పథకాల్లో చేరొచ్చు. పార్ట్ టైం వాలంటీర్‌గా కూడా పనిచేసేందుకు వీల్లేదు.

ఏం చేయాలంటే?

నెహ్రూ యువజన కేంద్రం అధికారులు.. నేషనల్ యూత్ వాలంటీర్‌గా ఎంపికైన వారిని ఆయా ప్రాంతాల్లో బ్లాక్ లెవెల్ స్థాయికి తీసుకెళ్లి సామాజిక సేవలు వినియోగించుకుంటారు.

ఒకటి లేదా రెండు మండలాలను బ్లాక్‌ అని పిలుస్తారు. అక్కడి సమస్యలు, సామాజిక అంశాలపై ప్రజల్లో అవగాహన, చైతన్యం కల్పించాల్సి ఉంటుంది.

ఆ ప్రాంత సమస్యలపై స్టడీ చేసి రిపోర్ట్ అందించాలి.

మహిళా వాలంటీర్స్ అయితే అక్కడి మహిళలను సంఘటితపరిచి.. సమకాలీన అంశాలపై అవేర్‌నెస్ కల్పించాలి.

కేంద్ర ప్రభుత్వ సంక్షేమ పథకాల గురించి ప్రజలకు వివరించాలి.

ప్లాస్టిక్ రహిత పంచాయతీలుగా తీర్చిదిద్దేందుకు వీలుగా వాలంటీర్స్ అక్కడ స్వచ్ఛ భారత్ కార్యక్రమాలు నిర్వహించాల్సి ఉంటుంది.

ఇప్పుడు ఆంధ్రప్రదేశ్, తెలంగాణ రాష్ట్రాల్లో వాలంటీర్లు ఆజాదీకా అమృత్‌కాల్ కార్యక్రమాలు పర్యవేక్షిస్తున్నారు. ఈ స్కీంలో భాగంగా పంచాయతీల్లో చెరువులు అభివృద్ధి చేస్తున్నారు.

ఎలా అప్లై చేయాలి?

ఈ స్కీంలో చేరాలనుకునేవారు ఆన్‌లైన్‌లో దరఖాస్తు చేసుకోవాల్సి ఉంటుంది. దీనికి సంబంధించి జిల్లాల కలెక్టర్లు యూత్ వాలంటీర్స్ నోటిఫికేషన్ ఇష్యూ చేస్తారు. దీనిపై ఆయా ప్రాంతాల్లోని ప్రముఖ దినపత్రికల్లో ప్రకటనలు కూడా ఇస్తారు. అప్పుడు అప్లై చేసుకోవచ్చు. దీనికి ఎలాంటి ఫీజు చెల్లించాల్సిన పని లేదు.

ఏమేం కావాలి?

• అప్లై చేసే వ్యక్తి ఫొటో
• ఆధార్ కార్డు
• 10th Memo
• కుల ధ్రువీకరణ పత్రం
• ఉన్నత విద్యార్హత సర్టిఫికెట్లు ఉంటే అవి కూడా
• అడ్రస్ ప్రూఫ్ (ఆధార్/రేషన్/ఓటర్ ఐడీ)

ఎంపిక ఎలా?

కలెక్టర్ నేతృత్వంలో ఉండే జిల్లా యువజన వ్యవహారాల అధికారి, మరో ఇద్దరు అనుభవజ్ఞులైన సభ్యులతో కూడిన కమిటీ.. అప్లికేషన్స్ పరిశీలించి వాలంటీర్లను ఎంపిక చేస్తుంది.