Amma Vodi EKYC : Amma Vodi doesn't have money..? Don't want tension.. The government said good news..!
Amma Vodi EKYC : అమ్మ ఒడి డబ్బులు పడలేదా..? టెన్షన్ వద్దు.. గుడ్న్యూస్ చెప్పిన ప్రభుత్వం..!
Jagananna Amma vodi EKYC : ఆంధ్రప్రదేశ్లో జగనన్న అమ్మఒడి (Amma Vodi) పథకానికి సంబంధించి నిధుల జమ కోసం లబ్ధిదారుల నిరీక్షణ ఇంకా కొనసాగుతోంది. అలాంటి వారికి ప్రభుత్వం గుడ్న్యూస్ చెప్పింది. అమ్మ ఒడి పథకం కింద కొందరికి రూ.5000, మరికొందరికి రూ.9000 మాత్రమే ఖాతాల్లో జమకాగా.. కొందరికి పూర్తిగా పడలేదు. దీంతో స్పందించిన ప్రభుత్వం.. వారం రోజుల్లోగా డబ్బులు జమచేస్తామని, ఆయా కార్పొరేషన్ల ద్వారా అమౌంట్ విడుదల చేస్తామని వెల్లడించింది.
ముఖ్యమంత్రి జగన్ బటన్ నొక్కి మూడు వారాలు దాటినా కొందరికి పూర్తిగా డబ్బులు అందకపోగా.. మరికొందరి ఖాతాల్లో కొంతమేర నగదు జమైంది. దీంతో మహిళలు బ్యాంకుల చుట్టూ, సచివాలయాల చుట్టూ ప్రదక్షిణలు చేస్తున్నారు. గతనెల 28న నాలుగో విడత అమ్మ ఒడి (Jagananna Amma vodi EKYC) కార్యక్రమాన్ని ముఖ్యమంత్రి జగన్మోహన్రెడ్డి ప్రారంభించిన విషయం తెలిసిందే.
అమ్మ ఒడి స్టేటస్ చెక్ చేసుకోవడానికి లింక్ ఇదే
కారణం ఇదేనా..?
అమ్మఒడి (Amma Vodi) పథకం డబ్బును ఆయా సామాజికవర్గాల కార్పొరేషన్ల ద్వారా లబ్ధిదారుల ఖాతాల్లో జమ చేస్తున్నారు. కొందరికి రూ.13వేలు పడగా.. మరికొందరికి రూ.4వేలు, రూ.9వేలు మాత్రమే జమయ్యాయి. పలువురికి ఏమీ జమ కాలేదు. కార్పొరేషన్ల ఖాతాల్లో నిధులు లేకపోవడంతోనే ఈ పరిస్థితి తలెత్తిందని సమాచారం. గతంలో వారం పది రోజుల్లో తల్లుల ఖాతాల్లో సొమ్ములు పడేవని.. ఇప్పుడు 23 రోజులవుతున్నా జమ కాకపోవడంపై విద్యార్థుల తల్లులు కొంత నిరాశ వ్యక్తం చేస్తున్నట్లు తెలుస్తోంది.
జగనన్న అమ్మఒడి (Amma vodi) పథకం కింద ఇచ్చే రూ.15,000 నుంచి స్కూల్, మరుగుదొడ్ల నిర్వహణ నిధి కోసం రూ.2000 మినహాయిస్తున్నారు. మిగతా రూ.13,000 మాత్రమే తల్లి లేదా సంరక్షకుడి బ్యాంకు ఖాతాలోలో జమ చేస్తున్న సంగతి తెలిసిందే. ప్రభుత్వం జారీ చేసిన తెల్ల రేషన్ కార్డు (వైట్ రేషన్ కార్డ్), లబ్ధిదారుడు తల్లి లేదా సంరక్షకుడి ఆధార్ కార్డు, బ్యాంక్ అకౌంట్ తప్పనిసరిగా ఉండాలి. వీటితో పాటు విద్యార్థుల స్కూల్ ఐడీ కార్డు ఉండాలి. ప్రభుత్వ, ప్రైవేటు స్కూళ్లలో చదివే పిల్లలకు అమ్మ ఒడి (Amma Vodi) పథకానికి అర్హులు.
COMMENTS