Closing Savings Account: Closing Savings Account? Know these first.. There is no benefit in suffering later..!
Closing Savings Account: సేవింగ్స్ అకౌంట్ క్లోజ్ చేస్తున్నారా? ముందు ఇవి తెలుసుకోండి.. తర్వాత బాధపడి లాభం లేదు..!
Closing Savings Account: ప్రస్తుతం బ్యాంకులు మంచి మంచి ఆఫర్లతో సేవింగ్స్ కార్డులను ఇస్తున్నాయి. తమ తమ బ్యాంకుల్లో కస్టమర్లను ఖాతా తెరిచేలా చేస్తున్నాయి. జాబ్ మారిన సమయంలో ఉద్యోగులు కొత్త అకౌంట్ తెరవాల్సి రావొచ్చు. ఇలా చాలా మంది దగ్గర ఒకటికి మించి బ్యాంకు సేవింగ్స్ అకౌంట్ ఉండే ఉంటాయి కదా. మరి వాటిని రెగ్యులర్గా వాడుతున్నారా? నిరుపయోగంగా ఉంచుతున్నారా? ఇదేదీ కాదు.. క్లోజ్ చేయాలనుకుంటే మాత్రం ఒకటికి రెండుసార్లు ఆలోచించుకోవాల్సిందే. తర్వాత చింతించి ప్రయోజనం ఉండదు. ఎందుకో ఇక్కడ తెలుసుకోండి.
ప్రధానాంశాలు:
- పెరిగిన సేవింగ్స్ అకౌంట్లు
- విచ్చలవిడిగా జారీ చేస్తున్న బ్యాంకులు
- మరి అన్నింటినీ మీరు వాడుతున్నారా?
- క్లోజ్ చేయాలంటే మాత్రం ఇది తప్పనిసరి!
Savings Account: ప్రస్తుత రోజుల్లో దాదాపు చాలా మంది దగ్గర ఒకటికి మంచి సేవింగ్స్ అకౌంట్లు ఉంటున్నాయి. బ్యాంకులు తమ సేవలను విస్తరించుకునేందుకు విచ్చలవిడిగా ఖాతాలను తెరుస్తుండటం దీనికి ఒక కారణం కావొచ్చు. మరొకటి ఏమైనా కొనుగోలు చేయాలనుకున్నప్పుడు డిస్కౌంట్లు, ఆఫర్లు వస్తాయని.. ఆశపడి అకౌంట్లను తీసుకుంటుండటం కావొచ్చు. కొన్ని బ్యాంకుల్లో వడ్డీ రేట్లు తక్కువగా ఉన్నాయని.. రుణాలు తక్కువకే పొందొచ్చని అనుకోవచ్చు. ఇంకొకటి ఉద్యోగం చేసేవారైతే.. వారికి జాబ్ మారినప్పుడు కొత్త కంపెనీలు వేరే బ్యాంకులతో టై అప్ అవడం వల్ల సంబంధిత బ్యాంక్ అకౌంట్ను తీసుకోవాలని చెప్పి.. ఖాతా తెరిపించడం ఇలా ఏదైనా కావొచ్చు. జనం దగ్గర సేవింగ్స్ అకౌంట్లు ఒకటికి మించి ఉండటానికి దారితీస్తున్నాయి.
ఇలా అయితే ఒక్కొక్కరి దగ్గర చాలా సేవింగ్స్ అకౌంట్స్ ఉండే ఉంటాయి. తీసుకున్నప్పుడు తెలియదు కానీ.. వాటిని మేనేజ్ చేసే సమయంలో ఇబ్బందులు ఎదురవుతుంటాయి. వాటిని నిరుపయోగంగా ఉంచినట్లయితే.. ఛార్జీల రూపంలో అమౌంట్ కట్ అవుతూనే ఉంటుంది. కొన్నిసార్లు మైనస్ బ్యాలెన్స్ చూపించడం చూసే ఉంటారు. అలాంటప్పుడు సేవింగ్స్ అకౌంట్ క్లోజ్ చేయాలని అనుకునే ఉంటారు. అయితే ఆ ప్రాసెస్ తెలియకు వెనుకడుగు వేస్తారు. అయితే సేవింగ్స్ అకౌంట్ క్లోజ్ చేయడం గురించి మనం ఇక్కడ తెలుసుకుందాం.
సేవింగ్స్ అకౌంట్ క్లోజ్ చేసే సమయంలో.. ఈ జాగ్రత్తలు తీసుకోకుంటే మాత్రం తర్వాత చింతించాల్సి వస్తుంది. అయితే ఇలా చేయడం వల్ల ఏ ఇబ్బంది రాదు. ఏం చేయాలో ఓసారి చూద్దాం.
గ్లోబల్ ఫిండెక్స్ రిపోర్ట్ ప్రకారం.. ఇటీవల కాలంలో డోర్మంట్స్ అకౌంట్స్ పెరిగిపోయాయి. డోర్మంట్స్ అకౌంట్స్ అంటే రెండేళ్లుగా సేవింగ్స్ అకౌంట్ ఉన్నా వాడకపోవడం, ట్రాన్సాక్షన్స్ జరపకపోవడం అన్నమాట. 2021లో ఇండియన్ బ్యాంక్ అకౌంట్స్ హోల్డర్స్లో మూడింట ఒక వంతు మంది ఖాతాలు డోర్మంట్స్ అకౌంట్సేనట. దీనికి వారు చెప్పిన సమాధానం కార్డులను వాడకపోవడం. ఇది ఏ కొందరికో పరిమితం కాలేదు. ఇటీవల భారత్లో ఇది విపరీతంగా పెరిగిపోయింది. ఎకనామిక్స్ టైమ్స్ రిపోర్ట్ ప్రకారం.. ఇండియాలో సాధారణంగా ఒకటి లేదా రెండు కార్డులను రెగ్యులర్గా వాడుతుంటారు. దీంతో మిగతావన్నీ డోర్మంట్ అకౌంట్స్గా మిగిలిపోతుంటాయి. అయితే రిజర్వ్ బ్యాంక్ ఆఫ్ ఇండియా నిబంధనల ప్రకారం మీ అకౌంట్లో కనీస మొత్తం డబ్బులు ఉంచకుంటే.. దానికి ఛార్జీలు వసూలు చేస్తుంది. అందుకే క్లోజ్ చేయాలనుకుంటారు.
అకౌంట్ క్లోజ్ చేయాలనుకుంటే ఇవి గుర్తుంచుకోండి..
మీరు మీ సేవింగ్స్ అకౌంట్ను క్లోజ్ చేయాలనుకుంటే.. ఫస్ట్ ఆటోపేమెంట్ మోడ్ ఆప్షన్ను టర్న్ ఆఫ్ చేసుకోవాలి. లోన్ ఈఎంఐ, బిల్ పేమెంట్స్ వంటి వాటికోసం మీ సేవింగ్స్ అకౌంట్లో ఆ ఆప్షన్ పెట్టే ఉంటారు. దీనిని ఆఫ్ చేయడం మర్చిపోవద్దు.
సేవింగ్స్ అకౌంట్ను క్లోజ్ చేసే ముందు.. కంప్లీట్ అకౌంట్ స్టేట్మెంట్ను డౌన్లోడ్ చేస్కొని దగ్గర ఉంచుకోవడం మంచిది. కుదిరితే ప్రింటౌట్ తీస్కోవడం ఉత్తమం. ఇది ఏ సమయంలోనైనా మీకు ఉపయోగపడొచ్చు. అవసరం రావొచ్చు.
మీరు అకౌంట్ను క్లోజ్ చేయాలనుకుంటే.. ఆ సమయంలో ఎంత మొత్తం చెల్లించాల్సి రావొచ్చో ఓసారి తెలుసుకోండి. బ్యాంకులను బట్టి చెల్లించాల్సిన మొత్తం మారుతుంటుంది. అయితే.. అకౌంట్ ఓపెన్ చేసిన సంవత్సరంలోపే మూసేస్తుంటే అలాంటి వాటికి ఎక్కువ చెల్లించాల్సి రావొచ్చు. దీని ఆధారంగానే బ్యాంకులు ఎక్కువగా ఫీ వసూలుచేస్తుంటాయి.
అకౌంట్ చేసేముందు అది ఈపీఎఫ్ఓ, ఇన్కమ్టాక్స్ డిపార్ట్మెంట్కు లింక్ అయి ఉన్నాయో లేదో చూస్కోవాలి. ఒక వేళ లింక్ అయినట్లు ఉంటే వెంటనే తొలగించుకోవాలి. అప్పుడు ఎలాంటి సమస్యా ఉండదు.
COMMENTS