World Red Cross Day
రెడ్క్రాస్ సొసైటీ అంటే ఏంటి? ఇది ఏం చేస్తుంది? అన్న విషయాలను ఈరోజు మనం తెలుసుకుందాం...
యుద్ధాలు లేదా ప్రకృతి వైపరీత్యాలు జరిగినప్పుడు తీవ్రంగా నష్టపోయిన వారిని ఆదుకుని వారికి ఆసరాగా నిలవడం కోసం ప్రత్యేకంగా ఏర్పాటైన సంస్థే "రెడ్క్రాస్ సొసైటీ". ఇది ప్రపంచవ్యాప్తంగా ఉన్న ఇలాంటి సేవా సంస్థలన్నింటిలోకీ అతి పెద్దది.
1895వ సంవత్సరంలో ఫ్రాంకో-సార్డియన్ కూటమికి, ఆస్ట్రియా సామ్రాజ్యవాద సైనిక దళాలకు మధ్య జరిగిన యుద్ధంలో దాదాపు 40 వేలమంది సైనికులు అసువులు బాయగా, వేలాది మంది గాయపడ్డారు. ఈ యుద్ధంలో గాయపడ్డ క్షతగాత్రులను ఆదుకుని, వారికి సేవలందించేందుకు అప్పట్లో స్విట్జర్లాండ్కు చెందిన హెన్రీ డునాంట్ అనే వ్యక్తి ముందుకొచ్చాడు.
ఆ సంఘటన తరువాత... తానే ఇలాంటి వారికోసం ఓ సేవాసంస్థను ఎందుకు స్థాపించకూడదని ఆలోచనలో పడ్డాడు హెన్రీ డునాంట్. అతని ఆలోచనల ఫలితంగా ఏర్పడిన సంస్థే ఈ రెడ్క్రాస్ ఇంటర్నేషనల్ సౌసైటీ. అంతర్జాతీయ స్థాయిలో ఏర్పాటైన ఈ సంస్థ ఇప్పుడు దాదాపు అన్నిరకాల సేవా కార్యకలాపాలను నిర్వహిస్తోంది.
స్విడ్జర్లాండ్ దేశపు జాతీయ జెండాలోని ఎర్రని బ్యాక్గ్రౌండ్లో తెల్లని క్రాస్ ఉంటుంది. దానిని తారుమారు చేసి తెల్లని బ్యాగ్డ్రాప్లో ఎర్రని క్రాస్ను లోగోగా ఏర్పరిచాడు. 8-5-1812న జన్మించిన హెన్రీ డ్యూనెన్ట్ గౌరవార్థం ప్రతి సంవత్సరం మే 8న ప్రపంచవ్యాప్తంగా రెడ్ క్రాస్ దినోత్సవం జరుపుకుంటారు. 1901 లో ఈయనకు నోబెల్ బహుమతి లభించింది.
రెడ్క్రాస్ దినం సందర్భంగా
* మే 8 న రెడ్క్రాస్ దినం జరుపుకొనుటకు కారణం--రెడ్క్రాస్ వ్యవస్థాపకుడు హెన్రీ డ్యూనాంట్ జన్మదినం.
* మే 8 న రెడ్క్రాస్ దినంగా జరపాలని ఏ సంవత్సరంలో నిర్ణయించారు--1938.
* రెడ్క్రాస్ సంస్థ ఏ సం.లో స్థాపించబడింది--1863.
* రెడ్క్రాస్ సంస్థ ఇప్పటి వరకు ఎన్నిసార్లు నోబెల్ శాంతిబహుమతిని గెలుచుకుంది--3 సార్లు (1917, 44, 63).
* రెడ్క్రాస్ సంస్థను హెన్రీ డ్యూనాంట్ ఏ నగరంలో స్థాపించారు--జెనీవా.
* రెడ్క్రాస్ పతాకం ఏ దేశ పతాకాన్ని పోలి ఉంటుంది--స్విట్జర్లాండ్ (కేవలం రంగులు మాత్రమే తారుమారు).
* రెడ్క్రాస్ సంస్థ వ్యవస్థాపకుడు హెన్రీ డ్యూనాంట్ ఏ దేశస్థుడు--స్విట్జర్లాండ్.
* హెన్రీ డ్యూనాండ్కు ఏ సం.లో నోబెల్ శాంతి బహుమతి లభించింది--1901 (తొలి నోబెల్ శాంతి బహుమతి).
* భారతీయ రెడ్క్రాస్ సొసైటీ ఏ సం.లో స్థాపించబడింది--1920.
* భారతీయ రెడ్క్రాస్ సొసైటీ ప్రధానకేంద్రం ఏ నగరంలో ఉంది--ఢిల్లీ.
COMMENTS