ట్రెక్కింగ్ ప్రియుల‌కు కొత్తగా ప‌రిచ‌య‌మైన హిల్‌స్టేష‌న్.. వంజంగి
దట్టమైన, గంభీరమైన మేఘాల మధ్య నుండి సూర్యుడు ఉదయించడాన్ని మీరు ఎప్పుడైనా చూశారా? ఆంధ్రప్రదేశ్‌లోని తూర్పు కనుమల్లో పచ్చని విస్తీర్ణంలో కొత్తగా కనుగొనబడిన హిల్ స్టేషన్లలో ఒకటుంది. అదే పాడేరు సమీపంలో ఉన్న వంజంగి హిల్స్. సముద్ర మట్టానికి 3,400 అడుగుల ఎత్తులో ఉన్న వంజంగి హిల్స్ ఒక సుందరమైన ప్రదేశం. ఇది ప్రకృతి ప్రేమికులు, హైకర్లు, ట్రెక్కింగ్ ప్రియులు, ఫోటోగ్రాఫర్‌లకు ఇది స్వ‌ర్గ‌ధామంగా ప్రసిద్ధి పొందుతుంది.
సూర్య‌కిర‌ణాలు మేఘాల గుంపుల నుండి చొర‌బ‌డుతున్నాయా అనేలా ఉదయిస్తాయి. ఆకుపచ్చని వంజంగి ఆ కొండలను ఆప్యాయంగా ఆలింగనం చేసుకుంటున్న‌ట్టు క‌నిపిస్తుంది. వైజాగ్‌కు దగ్గరగా ఉన్న ఈ అద్భుతమైన హిల్ డెస్టినేషన్‌లో మీ కోసం ఎదురుచూస్తున్న కొన్ని ఆసక్తికరమైన అనుభవాలను చూద్దాం.
వంజంగి పర్యాటక ప్రదేశాలకు కొరత లేదు. ఇంకా పూర్తిస్థాయిలో గుర్తించ‌బ‌డ‌ని ఈ స‌రికొత్త పర్యాటక ప్ర‌దేశానికి వెళ్లేందుకు టూర్ ప్లాన్ చేసుకోవాల్సిందే. ప్రకృతి అద్భుతాలతో అనుబంధాన్ని అనుభవించడానికి ఈ హిల్‌స్టేష‌న్ చిరునామాగా నిలుస్తుంది. వంజంగి కొండలపై మేఘాలు కమ్ముకున్నప్పుడు, పొగమంచు నది ఉవ్వెత్తున ఎగిసిపడుతున్నట్లు అనిపిస్తుంది. ట్రెక్కర్లు మేఘాల పైన నడుస్తూ.. తేలుతున్న అనుభూతిని పొందుతారు. పట్టణ జీవితంతో అల‌సిన వారికి కాస్త మాన‌సిక ఉల్లాసాన్ని అందించేందుకు వంజంగి టూర్ ప్లాన్ స‌రైన ఎంపిక.
అద్భుతమైన సూర్యోదయ దృశ్యాలు
పాడేరు నుండి సుమారు దాదాపు ఆరు కిలోమీటర్ల దూరంలో వంజంగి హిల్‌స్టేష‌న్ ఉంది. ఇక్కడ నుండి పర్యాటక ప్రేమికులు తెల్లవారుజామున దట్టమైన, పచ్చని అడవుల గుండా 5 కిలోమీట‌ర్లు నడక మార్గంలో ప్ర‌యాణించ‌డం ద్వారా అద్భుతమైన సూర్యోదయ దృశ్యాలను ఆస్వాదించడానికి అవ‌కాశం దొరుకుతుంది. కొండపైకి చేరుకోగానే మేఘాల మీద నిలబడిన అనుభూతి కలుగుతుంది.
వంజంగి కొండలపై ట్రెక్కింగ్ చేసేటప్పుడు గుర్తుంచుకోవలసిన విషయాలు..
- ట్రెక్కర్లకు అద్దెకు ఇచ్చిన శిబిరాల్లోనే ఉంటే మంచిది. అద్భుతమైన సూర్యోదయాన్ని ఆస్వాదించడానికి ఉదయాన్నే ప్ర‌యాణాన్ని ప్రారంభించాలి.
- ట్రెక్కర్లు ముందుగా వైజాగ్ నుండి అరకు లోయకు చేరుకోవచ్చు. లోయలో ఒక రాత్రి బస చేసి అక్క‌డి ప్రకృతి అందాల‌ను మ‌న‌సులో ప‌దిల‌ప‌రుచుకోవ‌చ్చు. పాడేరు నుండి అరకు సుమారు 44 కిలోమీట‌రు దూరంలో ఉంది.
- అరకు లోయలో హాల్ట్ చేయాలనుకునే ట్రెక్కర్లు పాడేరు చేరుకోవడానికి ఉదయం మూడు గంటలకు తమ యాత్రను ప్రారంభించాలి. సుదీర్ఘ పాదయాత్రను ఆస్వాదిస్తున్నప్పుడు, లోయ యొక్క పచ్చటి అందాన్ని మిస్ అవ్వకండి.
- పాడేరు నుండి వాహనంలో వంజంగి సుమారు ఆరు కిలోమీట‌ర్లు. వాహనాలు స్టార్టింగ్ పాయింట్‌లో పార్క్ చేసి, కొండపైకి 4-5 కిలోమీటర్ల ట్రెక్ చేయాల్సి ఉంటుంది.
- వంజంగికి వెళ్లేటప్పుడు డ్రై స్నాక్స్, వాటర్ బాటిల్, ఫస్ట్ ఎయిడ్ కిట్ మొదలైన కొన్ని నిత్యావసర వస్తువులను తీసుకెళ్లండి.
నమ్మకమైన, సౌకర్యవంతమైన శిక్షకులను ఎంపిక చేసుకోండి.
- బృందంగా ట్రెక్కింగ్ చేయ‌డం శ్రేయ‌స్క‌రం. ఒకరితో ఒకరు సరదాగా సరదాగా మాట్లాడుకోండి. ఇది మీ ట్రెక్‌ను సురక్షితంగా, మరింత ఆనందదాయకంగా చేస్తుంది.
- ఆ ప్రాంతంలో నివసించే గిరిజ‌న వాసుల‌తో స్నేహపూర్వ‌కంగా మెల‌గ‌డం మ‌ర్చిపోవ‌ద్దు.
- మీ ట్రెక్ మిమ్మల్ని దట్టమైన పొదలు, ఏటవాలు రోడ్ల గుండా తీసుకెళ్లవచ్చు. కొండపైకి రావడానికి కొన్ని వందల మీటర్ల ముందు, మీరు రాళ్ల పర్వతం గుండా ఎక్కాలి. ఇది చాలెంజింగ్ ట్రెక్‌తో పాటు థ్రిల్లింగ్ అనుభవం. మీరు కొండపైకి చేరుకున్నప్పుడు, చుట్టుపక్కల ఉన్న మేఘాల సౌందర్యాన్ని చూసి మీరు త‌ప్ప‌క మురిసిపోతారు.
COMMENTS