Kuldhara village horror story : దెయ్యాలు తిరుగుతున్న గ్రామం 2022

 దెయ్యాలు తిరుగుతున్న గ్రామం

Kuldhara village horror story : రాజస్థాన్ రాష్ట్రంలోని జైసల్మీర్ జిల్లాల్లో కుల్ ధార  (Kuldhara) అనే గ్రామం ఉంది. ఈ గ్రామంలో రాత్రి అయ్యిందంటే చాలు భయంకరమైన శబ్దాలు మరియు వింత అరుపులు వినిపిస్తుంటాయి. ఈ శబ్దాలు వింటే ఎవ్వరైన సరే భయపడకుండా ఉండరు. ఇటువంటి భయంకరమైన కుల్ ధార గ్రామం గురించి ఇప్పుడు మనం తెలుసుకుందాం.

                               

కుల్ ధార(  Kuldhara ) గ్రామం 300 సంవత్సరాల కంటే పురాతనమైనది. ఇది ఒకప్పుడు చాలా సంపన్నమైన గ్రామం. పాలివాల్ బ్రహ్మణులచే ఈ గ్రామం స్థాపించబడింది. ప్రాచీన కథనాల ప్రకారం జైసల్మీర్ లో  సలీం సింగ్ అనే దివాన్ ఉండేవాడు. కుల్ ధార గ్రామానికి అధిపతి కుమార్తెను చెడు ఉద్దేశంతో చూసేవాడు. అంతే కాకుండా ఆ అమ్మాయిని బలవంతంగా పెళ్లి చేసుకోవాలని నిర్ణయించుకున్నాడు.

ఆ దీవాన్ ఆమెను వివాహం చేసుకునేందుకు తనకు అప్పగించాలని, లేకపోతే ఈ గ్రామ ప్రజలు ఎన్నో ఇబ్బందులు ఎదుర్కోవలసి వస్తుందని హెచ్చరించాడు. ఆ తరువాత చుట్టుపక్కల ఉన్న 85 గ్రామాల అధిపతులు ఈ విషయం పై చర్చించి కుల్ ధార అధిపతి యొక్క గౌరవాన్ని కాపాడటం కోసం అందరూ గ్రామాన్ని విడిచి పెట్టి వెళ్ళిపోవాలని నిర్ణయించుకుంటారు. వారు గ్రామం విడిచి పెట్టి వెళ్లేటప్పుడు ఈ గ్రామమంలో మరెవరూ నివసించకూడదని శపించి వెళ్లిపోతారు.  అప్పటి నుంచి ఇప్పటి వరకు కుల్ ధార గ్రామం మనుషులు లేని ఎడారి గ్రామంగా ఉంది. అక్కడ సమీపంలో నివసించే ప్రజలకు రాత్రి అయితే వింత అరుపులు వినిపిస్తుంటాయని చెప్తారు. కుల్ ధార గ్రామం దెయ్యాలు, ఆత్మలచే వెంటాడబడుతోందని అక్కడ సమీపంలో నివసించే ప్రజలు నమ్ముతారు.